ما أكثر طريقة ممكن تكون سمعت عنها فى عمليات التهريب؟من كثرة تلك العمليات أصبحنا لا نعرف أيهما الأغرب، ولكن ما حدث هذه المرة في مطار القاهرىة صدم الجميع ، تابعونا لمعرفة التفاصيل من خلال التقرير التاليك
مسلسل التهريب شكله مش هيخلص رغم إحباط الكتير من العمليات اللى من النوع ده ،لكن تقول إيه مفيش عظة خالص! هيهربوا يعنى هيهربوا ..عدوا منها خير وبركة وده مبيحصلش طبعا ،إتقفشوا نصيبهم كده هيعملوا إيه يعنى!
إيه حكاية العملات الأجنبية اللى 2 ستات هربوهم فى هدومهم فى ملابسهم الداخلية؟تخيل! هل أى حد مسافر بدولارات يتقال عليه مهرب!إزاى تبعد الشبهه عندك وتبقى فى السليم! ركز علشان اللى جاى مهم..
طول عمرنا نسمع إن التصرفات دى تطلع من رجالة،يعنى اللى يتحط فى وش المدفع يكون راجل ملو هدومه ،لكن مؤخرا المهربين دول خلوا الروس متساوة ..وفى التهريب ملكش مثيل ومفيش فرق الراجل زى الست وكل واحد وشطارته بقى ..
الفترة اللى فاتت سمعنا أخبار عن عمليات تهريب كتير ومن ستات ..أيوة ستات قادرة فاكرة إن لما ست اللى تعدى من المطار سواء داخلة مصر او خارجة منها مش هيتشك فيها ..لكن متعرفش الى فيها !
الساعات اللى فاتت إنتشرت الأخبار إن 2 ستات كانوا مسافرين من مطار القاهرة ومعاهم عملات أحنبية كتير جدا مش على قد الدولارات بس لا..خير ربنا كان كتير اوى ..وموزعنهم شوية قى الشنطة ،وكل واحدة منهم حاطة شوية جوة لبسها وبين طبقات اللبس وفى ملابسهم الداخلية ..يعنى بحيث إن لو اللى فى الشنطة أتقفشوا يعدوا باللى معاهم ..هم بيفكروا كده!
لكن للأسف خطتهم منجحتش زى ما كانوا مخططين لها خالص!وقدرت الإدارة العامة لشرطة ميناء القاهرة الجوى بقطاع أمن المنافذ إنها تقبض عليهم ،ولما تم التحقيق معاهم وسؤالهم عن الفلوس دى بتاعت مين ومودينها فين ..تخيل قالوا إيه!
قالوا إنها بتاعتهم وأرقروا بإنها ملكهم ومش شقاهم وعرق جبينهم ..مش مسروقين ولا حاجة ولا هم مهربينها أصلا ..
وده يخلينا نسأل السؤال المهم هل كل حد مسافر برة مصر ومعاه عملات أجنبية يتقال عليه مهرب؟وإمتى يكون مسمحولك تسافر بالدولارت؟
خلينا متفقين إن أى حاجة هيتم خروجها بدون علم الجهات المسؤولة ،وبدون إجراءات وتصريحات معلنة هتعتبر تهريب! خاصة الطريقة اللى هتخرج بها الدولارت مثلا .. خلى بالك إن الدولارات مش ممنوعات ولا حاجة لا خالص مسموحلك وإنت مسافر تاخد معاك دولارات عادى بس الموضوع مش هيصة لا ليك مبلغ مين من العملات الأجنبية دى ..
وفقا لقانون البنك المركزي والجهاز المصرفي للنقد فى مجموعة إجراءات مهمة جدا حطتها الدولة علشان تقدر تسافر بالمبالغ دى ، باعتبار انها ممكن تستخدم في غسيل الأموال أو تمويل العمليات الإرهابية أو أنها تكون مش مسجلة في سجلات الضرائب.
فمسموح للراكب وقت المغادرة أو الوصول إن يكون معاه مبلغ 10 آلاف دولار أمريكي، أو نفس قيمتها بعملات اجنبية تانية، بس بالجنيه المصري مش مسموح للمغادر إنه ياخد معاه أكتر من 5 آلاف جنيه..
و في حالة إثبات وجود مبلغ أكتر من 10 الاف دولار أو مقدارها بأي عملة اجنبية او عربية تانية، عقوبتها بتبقى التحفظ على المبلغ ده، وبيتحول الراكب على نيابة الأموال العامة، وهناك بقى بيتحدد مصيره ..
الغريب إن الدولار جنن الناس وحوراته مش بيتخلص ،وفى عز أن سعره مش مستقر ،والعيون عليه من كل ناحية جوه وبره مصر ،بيتم تهريبه أكيد علشان يتعمل به عمليات غير مشروعه..تفتكروا ليه مش بياخدوا عبرة من اللى قبلهم؟ورغم إنهم عارفين مصيرهم وهيتقفشوا بردوا بيصمموا على المجازفة بمستقبلهم.
