محامية نورهان اللي أنهت حياة والدتها ببورسعيد تسعى لإنقاذها من عشماوى بعد قبول الطعن

نورهان ستفلت من عشماوى، هل تتخيل أن نورهان التي أنهت حياة والدتها في بورسعيد يمكن أن تحصل على حكم مخفف وتأخذ أشغال شاقة وتمارس حياتها بعدها؟

رغم كل الإعترافات اللى أقروا بها نورهان اللى أنهت حياة أمها فى بورسعيد بمساعدة عشقها حسين اللى عنده 14 سن،وخلاص إتحكم عليها بعشماوى.

محامية نورهان الساعات اللى فاتت قدمت طعن،علشان تخرجها زى الشعرة من العجينة ! إزاى نورهان هتفلت من عشماوى؟وإيه اللى قدموه فى الطعن هيساعدهم فى تخفيف الحكم؟

محامية المتهمة نورهان بتلعب على سيناريو جديد الفترة اللى فاتت، ومحاولات كتير لعل وعسي تجيب نتيجة مع نورهان ،وتنفذها من عشماوى.

بداية من تنازل والد نورهان عن الحق المدني في رحيل زوجته السيدة داليا الحوشي قبل الجلسة فى محاولة منه لإنقاذ بنته، ودعمه لموقفها القانوني، وأنه واثق من براءتها،و أنه هيعمل كل اللى يقدر عليه لتخفيف الحكم عن بنته قانونيا..

لكن فشلت المحاولة دى،لإن التنازل ده مالوش لازمه خالص، هو تنازل عن التعويض فقط،و إن الوقائع اللى زى دى مش من الوقائع اللى أجاز القانون الجنائي التصالح فيها؛ لأنها مش متعلقة بحقوق المجنى عليها بس ولكن بالمجتمع كمان.

كمان من ناحية مبادئ الشريعة الإسلامية، واللى استقر عليه رأي الغالبية من الفقهاء، إن الصلح والعفو عن الجانى من أولياء الدم ،مش بيوقف القصاص من المتهم، وده اللى بيحصل فى السعودية.

فى نفس الوقت محامية نورهان “هايدى الفضالى”كانت شغالة فى كتابة مذكرة الطعن عن الحكم اللى ليهم الحق فيه بعد الحكم بعشماوى لمدة 60 يوم!

طيب ياترى عملوا إيه فى محاولة منهم لوقف تنفيذ حكم عشماوى على نورهان؟
حسب ما نشره موقع مصراوى ..تقدم سامر عباس محمد متولي، المحامي، بمذكرة الطعن دى “وده لإن هايدى الفضالى محامية إستئناف ،وبكده مش هينقع تقدم الطعن على الحكم ،فى الحالة دى هى قالت هتخلى حد من زمايلها يوقعوا على مذكرة النقض اللى هى كتباها . وبالتالى هى كمان مش هتترافع فى القضية .

مذكرة الطعن دى تضمنت 6 أسباب ممكن ينقوا نورهان تفلت من عشماوى على كلامهم يعنى!.. انعدام الحكم المطعون فيه لانعدام اتصال المحكمة اللى أصدرته بالدعوى، والبطلان للقصور في استظهار ظرف الإصرار، البطلان للقصور في التسبب والإخلال بحق الدفاع، والقصور في التسبب وفساد الحكم في الاستدلال ومخالفة الثابت بالأوراق، القصور في التسبيب في الاستدلال ومخالفة الثابت بالأوراق، والقصور ومخالفة القانون والتخاذل.

كمان تضمنت المذكرة المطالبة بقبول الطعن شكلا والأمر بوقف تنفيذ الحكم المطعون فيه مؤقتا ،كمان كتبت فى المذكرة أن من بين أسباب الطعن أن الحكم المطعون فيه مرجح نقضه، وأن الاستمرار في تنفيذ الحكم هيسببب للطاعنة الأضرار في حريتها المسلوبة أو في سمعتها بين أسرتها وبين الناس!

محامية نورهان بتقول: نورهان قالت لى على سر فى القضية فيه براءتها..مكنتش أعرفه إلا بعد الحكم عليها بعشماوى .ولكن مش هينفع أذكره فى مذكرة النقض لإن مذكرة النقض بتحاكم الحكم نفسه ..وكمان علشان نورهان مجابتش سيرة عنه قبل كده قبل الحكم عليها بعشماوى ..

ولكن فى حالة قبول النقض ،هتكشف السر ده وبكده دى التحقيق هيتفتح من جديد خالص ..
أما حالة رفض النقض هيتم تقديم السبب ده فى الإلتماس..ولكن هى رفضت تصرح بأى تفاصيل عن السر ده

كل الناس شايفة إن ده تضييع للوقت ،وإن نورهان مصيرها عشماوى ،وكله بالأدلة والإعترافات اللى على أساسها إتحكم عليها بعشماوى..إنتوا بقى شايفين إنها ممكن تفلت من عشماوى؟ ولا مصيرها إتحسم خلاص؟ شاركونا فى التعليقات.