أسرة نيرة أشرف هتحضر تنفيذ الحكم في محمد عادل.. هذا هو الخبر الذي قلب الدنيا على السوشيال ميديا.. هل ممكن أن يحدث ذلك، وتراه هذه الأسرة وهو يرحل عن الحياة كما فعل في ابنتهم؟
لكن يا ترى إيه حقيقة الطلب ده؟ وهل حقيقي هيحضروا ولا في حد تاني هيحضر؟ وإمتى معد التنفيذ بالظبط.. كل ده وأكتر هنعرفه مع بعض في التقرير التالي:
تقريبا خلاص جات اللحظة اللى فيها هيتم تنفيذ الحكم على محمد عادل، الشاب اللى خلص على حبيبته نيرة أشرف قدام جامعه المنصورة، الواقعة الشهيرة اللى عدى عليها أكتر من سنه وشويه، بس لسه كل يوم فيها جديد.
جديد النهاردة واللى يمكن البعض يعتبره غريب شويه، هو الخبر المنتشر عن حضور أسرة نيرة أشرف لتنفيذ حكم عشماوي في محمد عادل وده اللي أثار حالة كبيرة من الجدل حول القصة دي.
لكن الحقيقة أن المحامى خالد عبد الرحمن، محامى أسره الطالبة نيرة أشرف هو اللي قدم طلب للنائب العام المصرى بصفته القانونية أنه هو يحضر لحظة تنفيذ الحكم على محمد عادل، المحامى الشهير مصمم أنه يكون من ضمن الناس اللى هتحضر لحظة تنفيذ الحكم على محمد عادل، محمد اللى حبل عشماوى السبب في إنهاء حياته، وبالتالي محدش من أسرتها هيحضر.
ليه المحامى طلب كده ؟
على حسب موقع القاهرة 24 اللى جاب تصريحات المحامى، فا المحامي طلب كده بصفته محامى دفاع أسره نيرة أشرف رحمه الله عليها، عايز يتأكد أن الحكم اتنفذ على اللى عمل كده في بنتهم وعايز يكون أول واحد يبلغهم أن خلاص حق بنتهم رجع ليهم تانى.
الفكرة أن المحامى سبق وتقدم قبل كده بطلب للدولة بإذاعة لحظة تنفيذ الحكم على محمد عادل على الهواء مباشرة، وكان في تصوره وقتها أن ده عشان الرأي العام كله يشوف اللى حصل فى الواد ويكون عبره لاى حد بيفكر يعمل زيه في المستقبل، وكمان عشان يفش غليل أهلها اللى زعلانين جدا عليها.
تقريبا طلب اذاعه لحظة تنفيذ الحكم على الهواء ماتمش الموافقة عليه لحد الأن، وعشان كده المحامى حب يتواجد بنفسه اللحظة دى، يشوف بنفسه محمد عادل وهوا بيحصل معاه اللى أهل نيره نفسهم يشوفوه.
طيب هل للمحامى الحق في كده ولا لأ ؟
الحقيقة أن طلب المحامى جاء مدعوما بنص المادة 434 من قانون الإجراءات الجنائية اللى نصت أنه لازم عند تنفيذ عقوبة زى اللى هتحصل مع محمد عادل أن يحضر أحد وكلاء النائب العام ومأمور الحبس وطبيب الحبس، ولا يجوز لغير من ذكروا أن يحضروا إلا بأذن من الجهات المختصة، وعشان كده أتقدم المحامى خالد عبد الرحمن بالطلب.
وخلال الأيام اللى جايه هنعرف أن كان اتوفق للمحامي أنه يحضر لحظة تنفيذ الحكم على محمد عادل ولا لأ، ووقتها وقت ما تظهر معلومة رسمية هنكون أول الناس اللى هتبلغكم بيها في الحال، لأن قضية نيره أشرف تهمنا كلنا ويحق ليكم أنكم تعرفوا تفاصيلها في وقتها، خاصة أن المفروض هيتنفذ الحكم خلال الفترة الجاية وبالتحديد خلال شهرين.
لحد هنا ونكون وصلنا لنهاية الفيديو، وقبل مانقفل حابين نعرف رأيكم إيه في طلب المحامى خالد عبد الغفار ورغبته في حضور لحظة تنفيذ الحكم في محمد عادل، هل طلبه عادى ولا غريب، وهل هوا اللى يحضر ولا حد من أهل نيره ؟ .. جاوبوني في التعليقات.
