اخيرا خرج مرتضى منصور من الحبس، ووصل منزله فى المهندسين، واه كان نازل من سيارته ويتعكز على رجلية شويه، لكنه خارج وناوى يصفى حساباته مع الكل، أولهم كابتن محمود الخطيب، ناوى ينتقم منه أشد انتقام وحالف 100 يمين أنه ليس السبب في حبسه، ورغم ذلك هو مصمم يأخذ معاه اجراءات شديدة القسوة والغشومية.
ليه مرتضى منصور شايف كابتن محمود الخطيب أهبل ؟ .. وليه المستشار راجع من الحبس بيتعكز على رجليه ؟ .. كل ده وأكتر وهنعرفه مع بعض فى التقرير التالي:
دخلت أسد وخرجت أسد يا خطيب .. إياك تكون فاكر انك انت اللى حابسنى ده أنت أهبل.. ده كان أول تعليق لمرتضى منصور بعد ماطلع من الحبس وقضى الشهر فترة العقوبة اللى كانت مفروضة عليه، وشكله كده طالع وناوى للكل .
المستشار ظهر من شويه فى فيديو عرضنا ليكم منه الـ 3 ثوانى اللى شفتوهم من شويه فى اول الفيديو، قال فيه كلام شديد القسوة على كابتن محمود الخطيب، شافه أهبل وعبيط لو هوا فاكر أنه اللى حبسة، ده كلام مرتضى منصور مش احنا.طيب أومال مين اللى حبسك ياسيادة المستشار ؟
ده السؤال اللى الكل دلوقتى منتظر يعرف أجابته من المستشار مرتضى منصور بعد كلامه أن كابتن محمود الخطيب مش هوا سبب حبسه، مع أنه كلنا عارفين أن المستشار مرتضى منصور أخد حكم الحبس بعد حكم القضاء في القضية اللى كان رافعها عليه كابتن محمود الخطيب، يبقى مين بقى اللى حبس سياده المستشار، لو حد فيكم يعرف رد غير كابتن محمود الخطيب ياريت يقول فى التعليقات.
ولحد ماتكتبوا فى التعليقات رأيكم، مرتضى منصور واعدكم وواعدنا كلنا أنه هيكمل فطاره وبعد الفطار هيغير هدومه ويقول لمصر كلها إيه اللى حصل معاه فى الحبس، وكمان هيطلع بيان بعد الساعه 11 بليل يقول فيه كل حاجة.
السؤال اللى بتطرحة الجماهير دلوقتى هو ايه اللى حصل مرتضى منصور فى الحبس وخلاه يخرج منه يتعكز على رجليه زى ما ظهر من شويه وهو نازل من العربية قدام بيته، الكل بيتمنى يعرف ايه حصله، هل فيه مشكلة وأصابه حصلتله فى رجلة لما كان فى الحبس، ولا ده يكون تأثير الأزمة الصحية اللى حصلتله لما كان فى الحبس، ماهوا لو أنتم فاكرين قولنا قبل كده أن ابنه الكبير أحمد مرتضى منصور راح زاره هناك ولما زاره أكتشف أنه عنده أزمة صحية ودخل بسببها مستشفى الحبس، وفضل قاعد فيه شويه.
نرجع تانى للتصريحات اللى قالها مرتضى منصور ضد كابتن محمود الخطيب، وأنه هياخد ضده إجراءات صعبة تعرفه حجمة كويس، تعليقات كتير بتقول أن مرتضى منصور بيجهز لعدد من القضايا هيرفعها ضد كابتن محمود الخطيب، والإجراءات الثانية أنه هيجز فريق الزمالك بلاعبين كبار عشان ينافسوا النادى الأهلى فى البطولات اللى جايه، انتم تفتكروا إيه ؟.. دى هتكون الإجراءات ولا إيه ؟ .
