فى عز الخلافات فى الوسط الكروى بين اللاعبين أو بين الأندية وبعضها أو بين لاعب مع إدارة نادى،ومنذ عدة أشهر لم نسمع عن ارتباط أو انفصال لاعب. ودائما أخبار المشاهير بالنسبة للجمهوربتكون مهمة ،وبالأخص إن كانت أخبار عن الحياة الشخصية لشخص مشهور مثل لاعب كرة ،فماذا لو كانت عن اللاعب محمد زيدان،فتى أحلام كثير من البنات.
مبقتش زوجته خلاص،ياترى إيه حقيقة إنفصاله عن زوجته؟ وليه ده كان تصرفها معاه،وليه ده رد فعله؟ وإيه علاقة مى عز الدين بالخلافات دى؟ مفاجأت سنعرفها من خلال التقرير التالي:
بمجرد ما اعتزل زيدان ده كان سبب زعل كبير بين الجماهير،ولما إترتبط كان سبب زعل أكتر سواء لما خطب مى عز الدين،أو إتجوز زوجته الحالية.
من كام ساعة كده كل السوسيال ميديا بتتكلم عن خبر إنفصال زيدان،وده موصولوش له من فراغ ولا بيتبلوا عليهم أكيد،هتقوقولى والجماهير عرفت إزاى.
الحقيقة إن زيدان وزوجته عملوا زى ما كتير من المشاهير والفنانين بيعملوا ،وبيفاجئوا الجماهير بتصرفات وردود أفعال غريبة وهى إن زوجته ميناس هى اللى بدأت وقالته زعلتنى طيب أهو وحذفت صورهم مع بعض من على حسابها الشخصى بكل مواقع السوشيال ميديا.
طبعا دى عصب زيدان،وقالها مش أنا اللى يتعمل فيا كده وردلها القلم قلمين،لو إنتى بقى حذفتى صورنا أنا بقى هحدف صورنا بردوا لا وكمان هلغى متابعتك على إنستجرام.
الجمهور قالك من الواضح كده إن الخلافات بينهم بقالها فترة وهوالإتنين بيمروا بفترة متوترة فى حياتهم الشخصية،ما هو بردوا محدش بيحذف صور ولا يلغى متابعة من الباب للطاق كده،ولا الصور هتتحذف لوحدها؟علشان لو حد طلع وصرح بكده فالجمهور فاهم الليلة كويس.
ميناس مش الست الوحيدة فى حياة زيدان،وده اللى هو صرح به وفى العلن،زيدان إتجوز مرة من سيدة دنماركية إسمها شتينا واللى إتجوزها قبل إرتباطه بميناس وخطوبته من مى عز الدين ،ولكن محصلش نصيب وإنفصلوا بعد ما أنجب منها ولد.
وبعدها إرتبط بمى عز الدين، ولكن لما إنفصل عن مى رجع تانى لطليقته الدنماركية. ونفى زيدان الشائعات اللى بتقول إنه ارتبط بمي علشان ينسى زوجته الأجنبية قبل ما يرجع لها مرة تانية،وقال بالعكس الفترة اللي أنا ومي ارتبطنا فيها كنت منفصل عن زوجتي الدنماركية لفترة قصيرة، وكنت أعرف مي من قبل الانفصال، وكانت صديقة وإتطورت الصداقة دى بعد الإنفصال وحصل الارتباط والخطوبة.
وعن أسباب إنفصاله عن مي، إنه كان بسبب اختلاف في الآراء، وظروف شغل مى ولأنه كان يعيش في ألمانيا وقتها، والخطوبة مستمرتش أكثر من 4 شهور .
وبعد شتينا الدنماركية،إتجوز زيدان ميناس، وهي مصرية الجنسية رغم ملامحها الأوروبية،وظهرت معه في أكثر من مناسبة وفاعلية فنية خاصة فى مهرجان الجونة علشان كده أطلقوا عليها بربى الجونة من إطلالتها الجريئة والمفلتة للأنظار.
وكانت دايما بتبين حبها لزيدان على الشوسيال ميديا من خلال الصور طبعا والتعليقات اللى حذفتها مؤخرا.
وبعد ما كان التفاهم هم كلمة السر فى علاقتهم زى ما قال زيدان،وإترتبطوا ببعض واتجوزوا خلال 6 شهور بس بقت الخلافات هى كلمة السر.
زيدان أنجب من ميناس ولد بعد سنة ونص من زواجهم وسماه زيدان،وميناس صرحت قبل كده فى حوار لها إنها بتحرص دايما على إن علاقته بطليقته تكون كويسة وبتشجعه على ده،علشان خاطر الأولاد.
الغريبة إن زيدان دايما كان بيقول إن ميناس نصيبه الحلو من الدنيا،وإنها بطبيعتها مش بتحب المشاكل أمال حصل إيه بقى؟ وقد إيه إنها بتتحمل عصيبته وبتمتص غصبه،والجمهور قال أكيد جابت أخرها ومتحملتش علشان كده أخدت القرار ده بالإنفصال.
ولإن صلاح خط أحمر واللى يجيب سيرته بيصاب بلعنه فالجمهور قالك إيه بقى لعنة صلاح طالت زيدان خاصة بعد تصريح على لسانه بتقول إن كلوب مدرب صلاح حاليا ومدرب زيدان سابقا قال إن زيدان عنده إمكانيات أفضل 100 مرة من إمكانيات صلاح ،ولكن هو نفى ده وإن كلوب عمره ما قال كده هو قال بس إن زيدان من أمهر اللاعبين اللى دربهم وقال أبقى عبيط لو قولت إن كلوب قالى غير كده.
هل هالإنفصال شائعة ولا حصل بجد؟ الحقيقة لحد دلوقتى مجرد أخبار ومحدش منهم لا نفى ولا أكد الخبر ،ولكن فى الساعات الجاية هتعرف الحقيقة أكيد فتابعونا.
