عايز تفرح بإبنك وتبنى له شقته لكي يتزوج وتطمئن عليه ، لكن رسوم التصالح كانت تعطلك وتقلقك ؟ ولا تعرف كيف يمكن أن تسدد رسوم التصالح ولكن بدأت تنتشر أخبار عن تخفيض قيمة هذه الرسوم وإتاحة تقسيطها ، فهل هذا الأمر حقيقي وهل توجد شروط من أجل التقسيط، هذا ا نتعرف عليه من خلال التالي:
بعد ما كان محظور على المواطنين إنهم يبنوا ، وكل الصعوبات اللى قابلتتهم بخصوص قانون التصالح ومحدش كان فاهم حاجة والعشوائيات زادت والمخالفات متعدش ، الحكومة قررت إنها هتعمل شوية تعديلات في قانون التصالح بحيث تقول للمواطن ملكش حجة . ياترى عملوا إيه؟
الحكومة قالت إن على يوم الحد كده هيكون في أخبار كويسة جدا بخصوص التعديلات في قانون التصالح ، والنائب أحمد السجينى رئيس محلية النواب في مداخلته في برنامج المصرى أفندى قال إن مشروع قانون التصالح مشروع جديد بيمنع العقبات اللى بتقابل المواطنييت في استكمال إجراءات التصالح.
وإن المجتمعات العمرانية مفتوح بنسبة 90% ، وإن عدد كبير من المشاكل ظهرت لما أطبق قانون التصالح في مخالفات البناء، ولكن محتاجة لصبر .
وهو ده اللى خلاهم يعملوا تعديلات على القانون ويصدروا قانون جديد. ، وإن العقبات اللى حصلت بخصوص القانون ده زى إن مواطنين كتير مش معاهم نموذج 10 . بإستغراب المذيعة هتقول إيه نموذج 10 ده؟ بص يا سيدى نموذج 10 ده هو عبارة عن تصريح أو موافقة من الحكومة للمواطن إنه يبنى بشكل طبيعى من غير أي عقبات .
السجيني قال كمان إن القانون القديم كان يحظر إن العقار يكون متعدي على خط تنظيم،ولكن ده بقى مسموح به بس في حالة واحدة بس وهى موافقة الجهة نفسها، وإن ده بشروط لإن القانون مينفعش يدى الموافقة مطلقة .
السجينى قال كمان إن تم تلقى أكتر من 3 مليون طلب في مخالفات البناء بالجمهورية،وأكد إن المبالغ دى اللى بيتم تجميعها من مخالفات التصالح بتروح للموازنة العامة للدولة.
وعلى حسب اللى ذكرته الحكومة بخصوص قانون التصالح الجديد ، محددتش الحكومة المدة اللى يقدر المواطن يقدم فيها طلبات التصالح على المخالفات اللى الحكومة أجازت التصالح فيها ، على عكس طبعا القانون القديم كانت المدة حوالى 6 شهور.
شاركونا في التعليقات إيه رأيكو في قانون التصالح وهل التعديلات اللى هتم عليه شايفين إنها في صالح المواطن وهتقلل شوية من العقبات ومخالفات البناء ؟ وقولوا إقتراحتكم اللى شايفنها ممكن تشاعد في حل الأزمة دى .
كم سيكون سعر التصالح على المخالفات؟
مشروع القانون حدد الأسعار والرسوم اللى هتبدأ من 50 لحد 2500 جنيه، وده على حسب سعر المتر في كل منطقة ، وكمان ممكن تاخد تخفيض 25% لو هتدفع المبلغ كله مرة واحدة ، وممكن تقسط المبلغ على 5 سنين بفايدة 7% إذا زادت عن 3 سنين .
