استنكر الرئيس عبد الفتاح السيسي شكل ومستوى لياقة الطلاب في الجامعات والمدارس المصرية، وأشار إلى زيادة وزن طلاب الجامعة الذين ظهرا في فيديو مسابقة أفضل جامعة، والأكاديمية الوطنية لتأهيل الشباب.
ووجه الرئيس النظر في شكل ومستوى لياقة الطلاب في المدارس والجامعات المصرية، وذلك خلال كلمته في جلسة «بناء قادة المستقبل» ضمن فعاليات اليوم الثالث لمنتدى شباب العالم، بمدينة شرم الشيخ.
واستنكر الرئيس عبد الفتاح السيسي تمامًا وجود وسائل مواصلات داخل الجامعات، ووجه الدكتورة هالة زايد، وزيرة الصحة لمتابعة الوضع الحالي لطلاب المدارس والجامعات المصرية، قائلًا : «انتوا عملتوا مواصلات داخل الجامعة؟ الناس مش قادرة تمشي؟ لازم يكون فيه قياس حقيقي، ياريت الدكتورة هالة زايد، وزيرة الصحة تشوف الموضوع»
وأضاف الرئيس «ادمجوا ثقافة إن الإنسان ياخد باله من نفسه، مش هينفع يبقى وزنه زايد وهو قبل الـ30، لازم يبقى فيه انطباع جيد من خلال المظهر، الوزن الزايد معناه إن مفيش لياقة».
وأكمل الرئيس حديثه قائلًا: «بتحبوا ولادكم ولا عايزين نقول كلام حلو ونصقف ونشمي؟ أنا عايز ولادي ينظر لهم بالبنان كإنهم مرسومين».
وتطرق الرئيس في حديثه عن أزمة التوكتوك قائلًا: «التوك توك عمل مشكلة كبيرة في بلدنا، النهارده الناس بتتحرك 100 متر جوا الحي بتاعها بالتوك توك، المفروض تمشوا يا جماعة، بس لو حد صحته مافيهاش مفيش مشكلة».
وتابع الرئيس عبد الفتاح السيسي حديثه قائلًا: «الأمة ذات الشأن، بتفتش في نفسها بكل شيء: كلمة، لفظ، سلوك، وزن، علشان نحط نفسنا بين دول العالم».
