راندا عيسى بنت غلطت فى رجالة مصر كلها، بعض الأقاويل تقول أنها هربت من بيت اهلها وهي صغيره وعملت في كباريهات شارع الهرم، والان هي راقصة في نيجيريا فما قصتها وكيف هاجمت المصريين؟
إيه القصة الكاملة لراندا المصرية اللى مجننه رجالة نيجيريا؟ .. وليه البنت بتغلط دلوقتى فى كل الرجالة المصرية.. كل ده وأكتر هنعرفه مع بعض فى الفيديو ده.
راندا كانت بنت بسيطه من محافظة بني سويف أبوها وأمها رحلوا بدري عن الدنيا، وكانت عايشة مع خالها اللي فضل يقل أدبه معاها لحد ما قررت تهرب منه، فضلت تتنقل بين الشوارع من هنا لهنا لحد ما كبرت شوية، وقررت تشتغل رقاصة في شارع الهرم لكن للأسف حتى ده مفلحتش فيه والناس محبوش رقصها وبقت ترقص في كباريهات درجة تالتة ورابعة.
وعلى حسب الأقاويل اللى منتشره على السوشيال ميديا، فا في يوم كان سهران في كبارية من الكباريهات اللى شغاله فيها واحد نيجيري اسمه زومبا شافها وكيفته جدا وطلب يقعد معاها بعد ما خلصت رقصتها، زومبا قعد يحكي معاها كتير وحبها وشافها دمها خفيف ولحسن الحظ انه كان عنده كباريه على القد كده فى نيجيريا وكان عايز معاه واحدة من أصل مصرى أصل نفسهم هناك فى المصريين.
كان غرضه من كده انها تجبله زباين جداد، وقالها انتي يا راندا ولو جيتي معايا نيجيريا كل النيجيريين هيحبوكي وهتبقي أهم رقاصة هناك ومش هتلاقي علي الشغل، عرض عليها زومبا ياخدها معاه نيجيريا ويأمن لها مستقبلها هناك ولو وفقت كمان ممكن يتجوزها ووعدها انه هيديها 5000 دولار في الشهر، ولأن الحال كان واقف والدنيا ضيقة معها وافقت وقالته: أنا معاك يا زومبا بس هز القرشين دول شوية أنت شايف الدنيا ناشفه وهتغرب من بلدي يعني لازم لما اسافر أطلع على حاجه تستاهل وفعلا خلص ليها كل الورق وسافرو هناك خلال أيام.
لكن حلم الشهرة كان طول الوقت في دماغها ولما معرفتش تعملوا من خلال الرقص خلتوا يعملها أغنيه اسمها “فينك يا أحمد” وفضلت تدور على واحد أسمه أحمد طول الأغنية، لدرجة أن الناس شكت أن أحمد ده أسمه عشيق ليها فى مصر وبتحاول من خلال الأغنية أنها تبعتله رسايل، لكن الأغنية محدش سمعها ولا حتى أحمد نفسه.
وبردوا فضل حلم الشهر فى دماغ رندا، مش راضى يحل ابدا عن دماغها، وفكرت تعمل ايه تانى عشان تتشهر، لحد ما قررت تدخل السوشيال ميديا وتفضل تنزل صور وفيديوهات مش تمام عشان تلم متابعين وكمان فضلت تدخل معاهم في مناقشات متنفعش خالص، وفعلا قدرت تلم متابعين كتير وفضلت من ساعتها تشتم في رجالة مصر وتقول عنهم كلام غريب وبقت تقول إن الراجل النيجيري أحسن من الراجل المصري بكتير.
راندا لجأت لأسهل طريق للشهرة وهو الظهور بلبس جرئ عشان تشد الشباب المراهقين وتلم المتابعين وبقى عندها ملايين بيتابعوها من مصر والدول العربية.. راندا قالت في فرق كبير بين الراجل المصري و النيجيري وياريت رجالة مصر يتعلموا من الرجالة النيجيرية، على حد كلامها دول عليهم احترام مشافتوش فى رجالة مصر أم الدنيا وطول السنين الي قضتها في مصر عمرها ماشفت راجل يملا عنيها وكلهم بيطلعوا مواكيس فى الأخر.
راندا قالت بكل صراحة بقى أن دوفر الراجل النيجيرى بكل رجالة مصر، وكل يوم دلوقتى راندا بتنشر كلام مستفز وصور مستفزة أكثر وده اللي خلي ناس كتير تطلب أنه يتقبض عليها علشان المهزلة اللي بتعملها دي تقف، وفيه ناس قالوا ليها حرام اللى بتعمليه ده، هوا الشباب المصرى ناقص ما تسيبه فى حاله.
أنتم تتوقعوا راندا تكون بتعمل كده ليه، هل للشهرة فعلا ولا ممكن يكون فيه حد مصرى زعلها فى حاجة، وعشان كده هى كرهت كل الرجالة المصريين؟ .. اكتبوا رأيكم في التعليقات.
