الخلاف بين حمو بيكا وحسن شاكوش من الوضح إنه لم ينتهي، لأن هما الاثنين واحد فيهم طيب وما في قلبه على لسانه وساعات كثير يقع في الكلام ولا يعرف ماذا يقول، والثاني عندما يتضايق من أحد يقلب عليه ويفتكر له القديم والجديد، ويتصف بقلبه الاسود، لدرجة إن هو في فرحه عرف كل الناس التي حضرت والتي لم تحضر.
فصل جديد من الخلاف بين حسن شاكوش ومؤدي المهرجانات حمو بيكا ابتدى يظهر للنور، وده بعد تصريحات حمو بيكا الأخيرة عن حسن شاكوش، وبيقول إنه بيتصل بيه ومبيردش على تليفوناته.. يا ترى ليه وصلوا للمرحلة دي؟ الموضوع ليه قصة بدأت من فترة ما بينه وتصريحات متبادلة.
حمو بيكا في لقاء قريب قال إن هو بيتصل بحسن شاكوش، والأخير ما بيردش عليه، وهو مش عارف ليه.. حسن شاكوش بيسأل نفسه وهو مستغرب هو بيعمل معايا كدة ليه؟
أصل الحكاية تصريحات علنية بين حمو بيكا وحسن شاكوش، لما طلع حمو في واحد من البرامج واتكلم وقال إن هو المدرسة اللي خرجت حسن شاكوش، وإن هو السبب في نجاحه وشهرته، وأول أغاني نجحت لشاكوش كانت خارجة من الاستوديو بتاعه.
حمو بيكا بيقول إن في صديق مشترك طلب منه إنه يساعد حسن شاكوش عشان ينجح ويكبر، وبالفعل فتحله باب الاستوديو وساعده، ولما نجح بقى مغرور.
مش بس كدة هو اتكلم كمان عن عدم اهتمام حسن شاكوش بشغله، وإنه بيسهر، وقال إنه في مرة كان في شغل في مكان وكان سهران هناك للصبح، ولقي حسن شاكوش هو كمان سهران في المكان ده، وده كان بعد جوازه بفترة صغيرة، وطلب منه إنه هو يروح ينام عشان يشوف شغله.
حمو بيكا بيقول إن هو كان يقصد من تصريحاته عن حسن شاكوش إن الناس اللي ماسكين شغله يشوفوه ويقفوا جنبه عشان يرجع يشتغل لأنه كان بقاله فترة معملش أي حاجة جديدة ولا قدم حاجة.
حسن شاكوش رد على الكلام ده وقال إن حمو بيكا فيما معناه يعني بيتلعب بيه، وإنه معاهم معاهم عليهم عليهم، وإنه الناس بتلعب بدماغه، لكن مفيش بينهم أي خلافات أو مشاكل، لكن مع ذلك قال إن هو المستوى الشخصي إنسان طيب.
ورد بقى على حمو بيكا لما قال إن هو سبب نجاح وإنه المدرسة اللي عملته، وقال إن مفيش أي خلافات ما بينهم، وقال كمان أنا عمري ما اتكلمت عليه قبل كدة، وبالنسبة لنقطة الأغاني بقى، قال إن حمو بيكا هو راحله عشان يعمل معاه أغاني، لأنه بيغني من 13 سنة.
بعد القصص دي كلها، من الواضح إن حسن شاكوش اللي مبينساش حاجة لحد، قرر إن هو ما يردش على تليفونات حسن شاكوش، لأنه لما اتسأل ليه متدخلش في الأزمة الأخيرة بين شاكوش وزوجته.. رد وقال هو مبيردش عليا عشان اتدخل في الموضوع ده، وقال أنا مكنش قصدي أجرحه أو أزعله، ولكن كان كل هدفي إن أساعده يركز في شغله.
وخلال الأيام اللي فاتت بقى احتفل حمو بيكا بعيد ميلاد زوجته شمس، واشترالها سلسلة دهب وزنها تقيل، واللي بيوصل سعرها لمبلغ مالي كبير جدا ومعاها خاتم م نالدهب باردو، وأحيا حفلة عيد الميلاد رضا البحراوي وعصام صاصا وعدد كبير من الأصدقاء والمشاركين في الوسط الفني.
