خلال الساعات الماضية لم يكن هناك سوى الحديث عن محطة مترو فيصل ومحور الفريق كمال عامر الذي يمر من فوق المحطة. المحور اللي انهار جزء منه على الناس فجأة في واقعة ضخمة لم يتخيل أحد حدوثها، لكن كانت هناك مفاجآت كثيرة؟ ماذا حدث وكيف انقذت الصدفة حياة الناس؟ تفاصيل كثيرة نكشفها خلال التقرير التالي:
واقعة مفاجئة وغريبة مكنش ممكن يتخيلها ركاب مترو فيصل أنها تحصل معاهم، محطة المترو اللي بتستقبل آلاف الناس كل يوم والناس بتخرج منها بسلام وبدون أي حاجة تحصل ده مكنش النهاردة، لأن فجأة والناس قاعدين مستنين المترو لقوا أجزاء من الكوبري الجديد اللي بيتعمل فوق المحطة بيقع عليهم.
ماذا حدث؟
وفقا للبلاغ اللي وحصل لغرفة عمليات النجدة بمديرية أمن الجوية أنه كان في أحد الكباري تحت الإنشاء وهو محور الفريق كمال عامر واللي بيتم الإنشاء فيه دلوقتي وبيمر فوق محطة مترو فيصل.. إلا أنه فجأة أجزاء من الكوبري انهارت على الركاب وكانت السبب في بهدلة ناس كتير.
على طول تحركت قوات الأمن قوات الإنقاذ البري إلى المحطة وتحركت معاهم سيارات الإسعاف عشان تلحق الناس بعد اللي حصلهم.
ومن خلال المعاينة تبين إصابة العديد من الناس في الكوبري منهم 2 عمال من اللي شغال في المترو وهما: علاء سعيد جمعة 23 سنة، عنده كدمات شديدة في الصدر، وإسلام محمد فهمي 20 سنة عنده كسر في العمود الفقري، وتم نقلهم لمستشفى أم المصريين. كمان أصيب 4 عمال تاني وتم نقلهم إلى مستشفى المقاولون العرب.
لكن التحريات كشفت عن صدفة عجيبة كانت السبب في إنقاذ حياة الناس.. التحريات قالت إن قبل الكوبري بثواني بسيطة كان المترو وصل في المحطة وركب أغلب الناس الموجودة عشان المحطة تكون شبه فاضية على الرصيف قبل ما يحصل الانهيار وينقذ آلاف الناس اللي كانت حياتهم هتبقى في خطر لو حصل الانهيار عليهم.
التحريات كشفت كمان عن أن فيه واحدة ست أصيب اسمها هادية محمد أحمد هي اللي مركبتش وكانت قاعدة بالصدفة تعاني من كسر بالحوض، بالإضافة لحوالي 5 أشخاص آخرين كانوا في المحطة لكن حالتهم الصحية كويسة وبيتلقوا العلاج.
كيف حدث الانهيار؟
التحريات كشفت عن أن سواق الونش اللي بيرفع الخشب اللي بيطلع عشان يساعد في بناء الكوبري مكنش مركز وده اللي خلاه اصطدم بعمود خشبي تاني العمود ده كان ساند جزء من الكوبري.
سواق الونش لما اصطدم بالعمود الخشبي العمود انهار وبالتالي الجزء اللي كان سانده في الكوبر انهار برضو عشان ينزل على الناس فوق محطة مترو فيصل ويحصل اللي حصل.
قوات الأمن انتقلت لمكان الحادث ولسه شغالة تحقيقات حتى الآن ومعاهم المسئولين في محافظة الجيزة عشان يعرفوا إذا كان فيه تصير من أي شخص اتسبب في الواقعة دي وينال جزاءه على طول.
