تفاصيل حفل الصلح بين نجيب ساويرس وعمرو أديب بالجونة..مفاجأة

يبدو أن الخلاف بين عمرو أديب ونجيب ساويرس لن ينتهي بسهولة، وذلك بعد المشادات العديدة التي حدثت عقب الصورة التي نشرها نجيب ساويرس عن الإعلام والمطبلاتية، ولكن ظهرت أخبار جديدة أن نجيب ساويرس قام بعمل جلسة صلح مع عمرو اديب في الجونة فماصحة هذا الحديث؟ تابعونالمعرفة التفاصيل من خلال التقرير التالي:

الأيام اللى فاتت كانت شاهده على خناقة كبيرة قوى بين رجل الأعمال نجيب ساويرس وعدد من الاعلامين عمرو أديب ومحمد الباز وأحمد موسى ومصطفى بكري ونشأت الديهي، لما نشر ليهم ساويرس صورة على تويتر مفبركة، ظهورا فيها بيطبلوا، وكتب عليها “فيه واحد ناقص”.

تعليق ساويرس ونشره الصورة، استفز عمرو اديب واللى رد عليه وقاله :” احنا مكسبناش من التطبيل قد ما انت كسبت من تطبيلك يا نجيب .جايز تطبيلنا كان له اصوات انما تطبيلك كان له ابراج ودولارات ويا خساره وعجبى”.

وبردوا بعدها رد احمد موسى واستعيب نجيب ساويرس واتهمه بأنه ضد الدولة وأنه بتاع مصلحته بس، قبل أي حد وأي حاجه.
وكمان رد الإعلامى مصطفى بكرى، وقال إن الاعلامين دول هما الصد المنيع لمن يسعون هدم الدولة، طلب من نجيب انه ينظر لنفسه فى المرايه ليرى حقيقته، واتهمه بالسكر.

وكمل بكرى رده، وقال إن ساويرس هرب أموال مصر للخارج، و اعتبر مصر بالنسباله شقه مفروشه ونهب ثرواتها ولديه المليارات منها، مع انه اللى كان معاه خمسة ملايين بس فى التسعينات.

الغريب بقا، هوا أن الإعلامي نشأت الديهي علق على الصورة رغم أنه ماكنش من الموجودين فيها، وقال: أنت اللي ناقص يا نجيب.
وعلى كدا انتشرت الحكاية على السوشيال ميديا لدرجة ان تغريدة نجيب ساويرس شافها 10 مليون شخص، وجابت 11 ألف اعجاب.

المفاجئة ان النهاردة انتشرت اخبار ان نجيب ساويرس خلال حفلة خاصة عملها بمناسبة رأس السنة فى بيته بالجونة، والى حضرها عدد من الإعلاميين والفنانين والشخصيات العامة ونجوم المجتمع وشخصيات اجنبية، ساله واحد من الحضور عن الأزمة، ليؤكد نجيب أنه ما قصدش الهجوم على حد، وان فيه علاقة صداقة قوية بينه وبين عمرو أديب وزوجته لميس الحديدى.

نجيب ساويرس اللي عمل حالة جدل كبيرة بالكلام ده وأنه خاف من الإعلاميين وتراجع عشان كده عايز يصلح معاهم خلوه دخل في عناد عشان يطلع ويرد ويقول الكلام ده محصلش وأنه هيفضل ضد الإعلاميين دول.. عشان ترجع الخناقة بينهم من جديد والمرة دي المواقع بتقول إنه كان في جلسة صلح وبين ساويرس بيقول محصلش.

السؤال هنا، هل نجيب ساويرس فعلا ماقصدش الأزمة دى ولا هو قاصد إنه يدخل في خناقة مع الإعلاميين، مستنى رأيكم فى التعليقات.