انتشرت الساعت الماضية العديد من الأخبار عن إفلاس مستشفى 57357،وكانت صدمة لكل المصريين وبعد ما كان صرح كبير لشفاء الصغار لن يبقى موجود فى غمضة عين؟ ولكن ما مصير الفقراء الذين كانوا يعتمدوا على المستشفى في علاج صغارهم المرضى الذين يعانون من السرطان؟
هذا السؤال يشغل كل المصريين الساعات الماضية وتسبب في حالة حزن كبيرة،وخايفين المستشفى تقفل، وهذا ما جعل المصريين وكثير من الفنانين والمشاهير يعملوا حملة تبرعات لدعمها منهم فخر العرب محمد صلاح، فما هي حقيقة تبرعه ولماذا تعرض للهجوم على السوشيال ميديا وهل المبلغ ده مناسب بجانب التبرعات التانية علشان تفضل المستشفى مستعدة لإستقبال المصابين؟
الناس معادن،ومعدنك بيبان وقت المحن والأزمات،كلنا حلوين وبنحب بعض وقت الفرح والضحك،جرب أقع فى أزمة كده،هتعرف مين صاحبك وهتعلم عليه،مش ببقولك الشدة بتغربل!
تخيل بقى لو نفس الكلام ده على مستوى أكبر مش صحابك ولا قرايبك لا،ناس ممكن متعرفهم ش وممكن يكون ليك حد منهم وعيشت المعاناة دى معاهم.
الموضوع بدأ فى الإنتشار لما داليا حامد عضو فريق جمع التبرعات لـ مستشفى 57357 قالت إن المستشفى بتعاني من أزمة مالية بقالها فترة، بسبب النقص الكبير في التبرعات.
وقالت إن الدكاترة مش هيقدروا يستقبلوا حالات جديدة خلال ال 6 شهور الجايين،ولو استمر الوضع كده والمستلزمات قلت عن الأول مع التبرعات،فمصير المستشفى هيكون الغلق.
وده خلى المصريين فى حالة حزن كبير، الحقيقة بمجرد ما سمعنا الخبر،الكل بقى بيسارع لعمل الخير،واللى كان بيساهم قبل الإعلان بالإفلاس بجنيه خلاهم 100 ،وده كله علشان ننقذ حياتهم .
الخبر ده انتشر بشكل كبير في الوسط الفني وعدد من الفنانين بدأ يعلن عن دعم المستشفى وانقاذ الأطفال من خلال التنويه بالأزمة اللي بتعاني منها المستشفى وأولهم كان النجم عمرو يوسف.
عمرو وجه كلامه في فيديو لكل جمهوره ولزملائه من الفنانين طلب منهم ضرورة التبرع للمستشفى لأنها على وشك الإغلاق بالفعل، وقال إنه إتأكد بنفسه وفعلا ممكن المستشفى تقفل وميعالجوش المصابين ودول أهم من أي حاجة تاتية لازم كلنا نقف معاهم.
كمان اتكلم عن الأزمات اللى بتواجه المستشفى، ولو الازمة دي استمرت هتكون النتيجة مفيش استقبال لحالات جديدة، وطلب من الكل التبرع لإنقاذ المرضى اللي بيترددوا عليها بشكل يومي.
ولقينا من بعد الفيديو ده الحملة كبرت وشارك فيها كتير من الفنانين زى دينا الشربينى وعمر كمال وكارمن سليمان وشيكو حتى مايان السيد ظهرت فى صور لها وهى بتزورهم فى المستشفى وبتقدم الدعم المعنوى لهم،وأكيد قدمت الدعم المادى كمان.
وفى وسط كل المشاركة من الفنانين دول حصل هجوم على 2 وهم محمد رمضان وده دايما معرض للهجوم من الجمهور مش جديدة والتانى محمد صلاح ،وهقولك ليه.
محمد صلاح فى عز الأزمة والحزن اللى كلنا مرينا به إنتشر له صور على السوشيال ميديا وهو بيزور مستشفى ألدر هاى فى إنجلترا بمناسبة الإحتفالات برأس السنة وأعياد الميلاد .
والجمهور شن هجوم عليه وقالولهم مش بلدك أولى،والأولى تتبرع لأولاد مستشفى 57257؟
الحقيقة إن بمجرد علمه بالأزمة اللى حصلت لمستشفى 57 ،تداولت الأخبار إن صلاح إتبرع بحوالى 3 مليون دولار يعنى بالمصرى كده حوالى 75 مليون جنيه.علشان يساعد فى إنقاذ المصابين.
وكتب الفنان وائل عبد العزيز على حسابه الشخصي على الفيسبوك صلاح اتبرع بـ 3 مليون دولار لمستشفي 57357
لكن محمد رمضان فينه من الأزمة دى،والجمهور قال ماهو بيلعب بالفلوس لعب،وبدل ما يطلع يتمنظر ويستفزنا بمجواهراته،الأولى يدعم المستشفى.
بعدها اللى إستفز الجمهور أكتر على السوشيال ميديا هو صوره في مستشفى علاج المرضى في لبنان، وتقديم الدعم لهم وده خلت الناس تقوله مستشفى بلدك وأولاد بلدك أهم يا فنان ولا إيه؟
الحقيقة تتفق أو تختلف مع دعم الفنانين،كل المرضى فى كل مكان فى العالم محتاجين الدعم المادى والمعنوى،واللى خلى الجمهور يهاجمهم هو خوف على الحالات دى لو تم غلق المستشفى .
صلاح إستجاب ومخيبش ظن الجمهور وإتبرع،إيه حقيقة التبرع مش أكيد ويمكن يكون الخبر ده دافع له إنه يتبرع أما رمضان متجاهل الموضوع رغم شعبيته الكبيرة .
