خناقة كبيرة بين أولاد شعبان عبدالرحيم والسبب صادم

خناقة على السوشيال ميديا بين أولاد شعبان عبد الرحيم، عصام وعدوي، ليست بسبب الميراث، ولكن من أجل التريند والبنات، فماذا حدث بينهم، تابعونا لمعرفة التفاصيل:

كل واحد فيهم بيطلع يتكلم عن التاني ووصل الأمر لضرب في السمعة وأن كل واحد بيقول على التاني كلام وفضايح.. إيه اللي حصل؟ وإزاي بهدلوا سمعة أبوهم؟.. كل ده هنعرفه في الفيديو ده.

عدوية زعل من أخوه عصام شعبان عبد الرحيم شوية، يسكت لا يطلع على السوشيال ميديا ويتكلم عنه أنه بيجري وراه الترند أي حد يبقى ترند يجيبه ويعمل معاه فيديوهات ويشغله زي محمد بتاع كشري التحرير اللي عمله له أغنية وعايشة الصومالية اللي اتجوزها على مراته وسابها هي وولاده وبيعمل فيديوهات تقل القيمة وده كله عشان الفلوس.

والحوار موقفش عند كده، ده ماشي يلم أي حد في السوشيال ميديا ويعملهم أغاني أي كلام ولا ليها لازمة عشان يطلع بيهم ترند وخلاص.

عصام طبعا سمع كلام أخوه، والدنيا ولعت بينهم وبدأ هو كمان يرد على أخوه يقول عليه أنه طول عمره بيغير منه وأنه عيل حقود ومابحبش الخير لحد وطلب منه أنه يعمله أغنية قبل كده بس صوته وحش وقوله هو ده صوت ولا شكل يطلع يغني وعدوية وقتها رد عليه وقاله طيب ما محمد بتاع الكشري أهو لا شكل ولا صوت وبيطلع إزاي.

ومش بس كده لا ده عصام بهدله، وقال: هو ده اللي أبوك قالك عليه أنك تسمع كلامي عشان أنا أخوك الكبير وفي مقام أبوك.. أخرتها تطلع تتكلم عليا بالشكل ده، وبعدين هو أنا بعمل حاجه غلط ما مصر كلها بتجرى وراه الترند على الأقل أنا يكتشف مواهب جديدة.

وكمل عصام وقال عن أخوه: الواد ده طول عمره بييصلي في رزقي وطلع يقول أني بوقع اسم أبويا في الأرض، أبويا مين اللي هوقع اسمه في الأرض وأشهر أغنية له كانت “هبطل السجاير”، أنا واقف جنب العيلة كلها وقولتهم مليون مرة يخلوا عدوية يبعد عن طريقي أنا باكل عيش مع شوية العيال اللي بيطلعوا معايا فياريت يبعد عننا وربنا يهديه.

الغريبة أن مش دي أول مرة يتخنق عصام شعبان عبد الرحيم مع حد، فبعد ما طلع محمد عامل النظافة معه وكان بيعمله أغنية اتخنق معه وقوله أنه لازم يحمد ربنا على النعمة اللي هو فيها عشان بعد ما كان بيأخد 1500 جنيه في الشهر من شغله بقى بيأخدهم في اليوم منه وكمان مش عاجبه، وطلع محمد كدب كلامه وقتها وأنه بيأخد الفلوس عشان المقابلات اللى كان بيعملها مش من عصام.

أهل أو أصحاب أو أخوات، الكل دلوقتي بقي بيتخانق على حاجة واحدة وهي الترند ومفيش حد بقى يهمه صلة الرحم ولا القرابة الترند وبس ده غير أن الكل بقي بيغني وبيمثل لمجرد أنه ترند بسبب أي حاجه بقي بيعملها، ولاد شعبان عبد الرحيم أول ناس يتخانقوا مع بعض على السوشيال ميديا ولا هيكونوا أخر ناس.