خلال الساعات الماضية تصدر اسم بيج رامي المشهد والأخبار بعد خسارته مستر أوليمبيا بعد أن حقق الفوز بالبطولة العامين الماضيي،، وقد أرجع البعض هزيمته إلى تخليه عن زوجته وزواجه من أخرى بدلا من أن يرد لها جميل مساندته ودعمه طوال السنوات الماضيةـ تفاصيل كثيرة سنتعرف عليها من خلال هذا التقرير ونكشف علاقة زوجته بخسارته للقب مستر أولمبيا 2022 وكيف كانت السبب فى إعتزاله؟
قالك إيه بقى سبب خسارته دى دعوة من مراته فى ساعة مفترجة،ربنا مبسيبش،ده أكيد ربنا عمله كده وخسر اللققب علشان يحس باللى عمله فى مراته،ده العروسة وشها حلو عليه ماذا بينك وبين الله يا مروة يا مغربى “اللى هى مراته” علشان ربنا يجبلك حقك بالسرعة دى؟
دى كانت أغلب تعليقات الجمهور على السوشيال ميديا بعد إنتشار أخبار عن خسارة بيج رامى لقب مستر أولمبيا 2022،وبالتحديد الجمهور اللى كان داعم لبيج رامى فى بطولاته ولما إتجوز على مراته دون علمها وفاجئها وفاجئ الجمهور كمان.
لدرجة إن مراته قالت صور إيه وجواز إيه أنا مشوفتش حاجة ولا أعرف أي حاجة، ولا عندي معلومة إنه اتجوز تاني.
لا وكمان إنه خسر اللقب بعد ما كان بيحافظ عليه فى أخر سنتين وأحتل المركز الخامس واللى فز باللقب والمركز الأول الإيرانى هادى شوبان .
قالك إيه بقى إن بيج رامى معملش حساب لمراته وقلنا ماشى لكن خالتك كمان؟ أصل مروة بتجمعها ببيج رامى صلة قرابة بنت خالته،ومش بس كده معملش حساب بناته التلاتة كمان.
كمان مروة وقفت جنبه من بداياته لحد ما وصل للعالمية ولمدة 9 سنين ،وحقق حلمه،مكنتش بتهتم خالص بأى إنتقادات بتتعرض لها بسبب جوازها بالبيج رامى،وأكدت أكتر من مرة إنها مش شايفة إن جوزها ضخم أو مخيف زى ما البعض بيقول بالعكس.
لو بصينا بقى على رد فعل مروة زوجته البطولة اللى فاتت لما فاز باللقب ،كانت فرحانة ومبسوطة بحصوله على اللقب وغيرت صورة الواتس أب الخاص بها بصورة تجمعها ببيج رامى وهو بيحضنها.
وكانت دايما بتتكلم عليه بكل الحب وبتوصفه بالطيبة ،وإنه دايما بيساند ويدعم المحيطين به،وده طبعا قبل ما يفاجئخا بالجواز عليها.
أما بقى بعد خسارته السنادى فى حصوله على اللقلب،ملقاش الدعم منها زى ما متعود ،بالعكس فضلت السكوت ومعلقتش خالص فى الوقت اللى كل الداعمين لها على السوشيال ميديا قايمين بالواجب وزيادة مع البيدج رامى.
الخسارة لبيدج رامى مكانتش خسارة لقب بس ،لكن كمان خسر مبالغ حوالى مليون دولار موزعة على المراكز الثلاتة الأولى،فالمركز الاولى هيحصل على 400 ألف دولار،والتانى 150 ألف دولار، أما المركز التالت 100 ألف دولار .
الغريب بقى إن الساعات اللى فاتت وبعد خسارته إنتشرت أخبار عن إعتزال البيدج رامى لرياضة كمال الأجسام بعد مسيرة كبيرة من الانجازات والنجاحات والجمهور قال الفضل كان لربنا الأول وبعده مراته الأولى طبعا مش التانية،التانية إحنا عرفنا وشها عليه الله اكبر.
ولو إنت فاكر إن سبب إعتزاله علشان خسارته،وزعله على اللى حصله بعد الخسارة وتقول أكيد متأثر من عدم وجود مراته جنبه زى زمان تبقى غلطان ليه بقي؟
لإن مصدر مقرب من بيج رامى قال إن هيعتزل لإنه بيعانى من إصابة فى ضهره من قبل البطولة،وإن حالته النفسية مش كويسة لدرجة إن فكر ينسحب من البطولة،ولكن كمل علشان خاطر الجمهور.
كمان قرارات لجنة التحكيم كان لها تاثير سلبى عليه لما قررت اللجنة عدم وقوفه فى نص صالة العرض وإقصاءه فى الأطراف ،وده سبب رئيسى فى خسارته بسبب التوتر والتشتت وإنه مكنش مركز.كمان والداته علقت على خسارته وقالت الحمد لله كل اللى يجيبه ربنا خير وربنا يرجعه لينا بالسلامة.
هل إنتو بتقتنعوا بفلان وشه حلو على فلان ولا لا؟ يعنى ممكن يكون فال مراته التانية عليه مش حلو زى فال ووش مراته الأولى عليه؟ هل ملقاش نفس الدعم اللى كان بيلاقيه مع مراته الأولى؟ وهل ده ممكن يكون سبب سوء حالته النفسية وكمان إعتزاله؟ شاركونا برأيكم فى التعليقات
