من الاخبار التى تصدرت التريند فى الساعات الماضية هى ترحيل 3000 مصرى من الكويت،ومنعهم من السفر نهائى، ولا أحد يعرف الأسباب ماذا وراء قرار النيابة الكويتية، وهل هذا له علاقة بالقرار الأخير الخاص بمنع العمالة المصرية؟تفاصيل كثيرة سنتعرف عليها من خلال التقرير التالي وكيف سيؤثر القرار على 3000 أسرة مصرية.
طبعا كلنا عارفين إن الكويت من أكتر الدول اللى مواطنيها بيعانوا من إرتفاع كبير فى نسبة البطالة ، وده اللى خلى الحكومة الكويتية تعلن بالقرار ده اللى هو منع العمالة المصرية هناك،خاصة إن حوالى 1.5 مليون مصرى بيشتغوا هناك لما يترحل منهم 3000 مرة واحدة لا الموضوع كده محتاج نفهم اللى حصل بالظبط ..لكن أطمنوا ده ملهوش علاقة تماما بقرار منع العمالة المصرية فى الكويت،لكن بالعكس ترحيل ال3000 مصرى كان لأسباب تانية خالص مؤسفة حقيقى .
بص يا سيدى الكويت أعلنت عن ترحيل 30 ألف وافد خلال 2022 ومنهم 3000 مصرى ،وده مش من الباب للطاق يعنى لا،اللى هيترحلوا دول إرتكبوا مخالفات كتيرة زى تعاطى الممنوعات والسرقات ومفيش إلتزام منهم بقوانيين البلد،وده اللى بنقوله دايما مسافر بلد تشتغل هناك إلتزم بقوانينها وأحترم التعليمات فيها بدل ما ترجع وشك فى الأرض وإيد ورا وإيد قدام مترحل مش نازل إجازة بمزاجك.
ومصادر أمنية قالت لصحيفة الرأى إن عدد الرجالة اللى تم إبعادهم حوالى 17 ألف وأغلبهم جنسيات هندية ومنهم 3000 راجل مصرى ، والستات كانوا 13 ألفا أغلبهم جنسيات الفلبين وسريلانكا والهند وإثيوبيا ، ومن الـ30 ألف مرحل، تم ترحيل 660 من خلال الإبعاد القضائي،والباقى إبعاد إداري.
هقولك تفاصيل أكتر عن القضايا دى واللى حصل بالظبط، بيقولك إيه بقى إن فى مصرى إنتحل شخصية رجل شرطة ،وخطف فلبينية فى منطقة الفنطاس وإعتدى عليها،وده طبعا إتعرف بعد ما الفليبينية دخلت منهارة قسم الشرطة ، وبلغت بأنها إتعرضت للخطف من شخص لابس الزي الوطني لرجال المباحث وطلب هويتها، وأوهمها بأنه عمل اتصال بمكان عمله، وقال لها إنها مطلوبة ولازم تركب معاه عربيته فورا ،وخدها فى حتة مقطعوعة وإعتدى عليها وهرب .
ومصدر أمنى كويتى قال إنها سجلت قضية جناية بمسمى خطف ومواقعة، أحيلت إلى المباحث للتحري عن المتهم من خلال المواصفات التي أدلت بها البنت دى والإستعانة بأي كاميرات مراقبة قريبة من مكان الواقعة،ولكان رجال المباجث توصلوا لأكتر من واحد مشتبه فيهم ،وإن إلقاء القبض عليه مسألة وقت مش أكتر،وأحيلت المجنى عليها للطب الشرعى لرفع الأثار بأمر النيابة.
مش بس كده النائب الأول لرئيس مجلس الوزراء الكويتي الشيخ طلال الخالد أشرف على فض أحراز ضبطيتين مختلفتين من المواد الممنوعة ،وتمكنت الإدارة العامة لمكافحة الممنوعات بالتعاون والتنسيق مع الإدارة العامة لخفر السواحل، من ضبط كمية كبيرة من الممنوعات ،وده لما حاول شخصين يدخولها الكويت عن طريق البحر.
وفي الضبطية الثانية تم ضبط كمية اكبر من الممنوعات لما حاول 3 أشخاص يدخلوها بطريقة سري مبتكرة عن طريق واحدة من المنافذ البحرية.
وطبعا الخالد وجه شكره وتقديره للجهود المبذولة من قبل الإدارة العامة لمكافحة الممنوعات والإدارة العامة لخفر السواحل إنهم بيقدروا يقبضوا على مروجى الممنوعات دى، وصد كل أساليب ومحاولات التهريب اللى بتحصل.
تخيل تتغرب وتبعد عن أهلك وتحرم ولادك من وجودك ،قال إيه أصله مسافر وبيشقى ويتعب وهو لا بيشقى ولا بيتعب ولا بيوفر لهم فلوس زى ما بيوعهم ولا بينزل أجازات بحجة الشغل ومفيش وقت،شغل إيه معلش اللى شغلك عن أسرتك وولادك؟ بطريقة عيشة ال3000 مصرى اللى إترحلوا بسبب القضايا دى يبقى كان لازمتها إيه الغربة؟ لا حققت ذاتك ولا حوشت فلوس ولا أمنت مستقبل ولادك ورجعت إيد ورا وإيد قدامك وبقى فى سجلك وصمة ممكن تمنعك من الشغل برة مصر وجوة مصر وده كله بسبب الإستسهال لتكوين ثروة مش أكتر.
