روت فتاة تُدعى «دينا» تفاصيل صادمة حول محاولات والدها الاعتداء عليها والتحرش بها في غياب الأم، إلا أن الأم اكتشفت الواقعة.
وقالت «دينا» في مداخلة هاتفية مع الإعلامي أسامه منير، خلال حلقة أمس من برنامجه «أنا والنجوم وهواك»، المُذاع على أثير «نجوم إف إم»: «أنا اسمي دينا ومخطوبة وخطيبي كويس جدًا وأهله ناس كويسين جدًال، بس أنا يمكن اللي ظروفي غلط، يعني عشان كده أهله مش حابيني ومش عاوزين يستقبلوني وأنا نفسي مش حابة نفسي».
وأضافت: «أبويا إنسان مش كويس ودايمًا شايقة نفسي إني هبقى زيه، وشايفة إن عمري ما هكون كويسة، يعني حاول يعتدي عليا أكتر من مرة وماما اللي اكتشفت الموضوع ده».
وأضافت الفتاة: «أنا سبت البيت وساكنة دلوقتي في سكن طالبات، هو حاول يعتدي عليا ولما ماما واجهته قال ده شيطان، ومعملش كده تاني لكن كل نظرة من نظراته بقيت بحسها تخوفني».
وتابعت «دينا»، خلال مداخلتها خلال حلقة أمس من برنامجه «أنا والنجوم وهواك»: «الناس كلها شايفة إن احنا هناخد منه الموضوع ده، وبيقولوا أنتي بنته وانتي أكيد هتاخدي منه».
ويُذكر أن الإذاعي والإعلامي أسامة منير من مواليد يوم 25 فبراير من العام 1970، وهو مطرب ومذيع مصري شارك في تقديم برنامج «البيت بيتك» في التليفزيون المصري.
وشارك أيضاً في تقديم برنامج «90 دقيقة» على تليفزيون المحور لمدة 6 أشهر ثم عاد لتقديم برنامج «أنا والنجوم وهواك» على إذاعة نجوم FM ويعرض من خلاله المشاكل العاطفية للشباب، كما شارك في بعض الأفلام والمسلسلات والبرامج الأخرى.
تخرج في كلية الآداب بجامعة عين شمس قسم اجتماع وبدأ مطرباً وكان يغنى منذ أن كان يدرس بالثانوية ثم درس الموسيقى العربية وسافر إلى أستراليا وبعد عودته لمصر عمل فترة طويلة في مجال الإعلانات كانت بدايته الإذاعية في الإعلانات ثم أنتقل إلى إذاعة نجوم FM.
