حرص طاهر رحيم، شقيق الملحن الراحل محمد رحيم على توجيه رسالة خاصة للمطرب تامر حسني بعد تدخله لتوضيح الخلاف بينه وبين المطربة شيرين عبد الوهاب بسبب قراءة الفاتحة لشقيقه في حفلها الأخير بالكويت والتي اعتبرتها سيئة جارية في حقها، مشيراً إلى أن تامر حسني أرسل له حقيقة الفيديو ووضح له ما حدث معها.
وقال طاهر رحيم في منشور عبر حسابه في موقع التواصل الاجتماعي فيسبوك بوك: “الوحيد اللي حاسس و عارف حقيقة كل اللي عديت بيه نفسياً انا و كل اسرتنا هو اخويا و اخو رحيم التالت الصادق الجميل ( تامرحسنى)، الله يسترك يا تامر على قلبك اللي مشوفتش زيه في حياتي، متشكر يا راجل يا اصيل لوقفتك جانب كل العيله و اصلاحك لما افسدته الفتنه بينا كلنا”.
وأضاف طاهر رحيم: “متشكر لتكريمك لاخويا بايدك لاخر حباية رمل في تربته، وفعلاً شيرين اختنا وانا زعلت عشان جالي الڤيديو في الاول جزء بتضحك فيه، بس لما انت بعتلي الڤيديو كامل وشرحتلي عرفت انها حقيقي زلة لسان، وانا متاكد من رأيك و ربنا يجازيها كل خير كفايه انها حاولت تكرمه وسط جمهورها”.
واختتم طاهر رحيم منشوره قائلا: “لكل محبين اخويا انا بقرأ كل كلامكم الحلو والجارح اللي بيتقال ظلم ليا دون علم الدواخل و دون علم بنفسيتي ازاي انهارت واتصدمت بسبب فراق اخويا وانقسم ضهري وبقيت عايز اضم كل الناس و الفنانين في حضني عشان رد اعتبار اخويا في الدنيا بعد ما مات مقهور من تهميشه بقيت عايز اوصله و اقوله بص يا محمد بيحبوك ازاي بص مقدرينك ازاي و تاني انا اسف للجميع. شكراً يا تامر”.
وكان تامر حسني دافع عن شيرين عبد الوهاب، بعد الانتقادات التي وجهت لها بسبب ارتباكها أثناء دعوة جمهور حفلها في الكويت لقراءة الفاتحة للملحن الراحل محمد رحيم، واستبدالها عبارة صدقة جارية بسيئة جارية.
وقال تامر حسني في منشور عبر صفحته الرسمية في موقع التواصل الاجتماعي إنستجرام: “واثق إنها زلة لسان من شيرين لأن شيرين من أكتر الناس اللي بتحب محمد رحيم الله يرحمه ومن أكتر الناس اللي عارفه قيمته لإنها فنانه كبيره بالاضافه لانها اعتذرت على المسرح في وقتها و نيتها كانت تكريم وطلبت الفاتحه من الجمهور.
مقالات أخرى قد تهمك
ملاحظة غير متوقعة في إطلالة زينة بمهرجان البحر الأحمر
“نسيتي البنطلون”.. ظهور صادم لـ زينة يهز مواقع التواصل
