وسائل الاعلام في كل بلاد العالم بتتكلم عن العرافة التايلدنية المشهورة اللي اتنبأت بحادثة وقوع طيارة بالركاب اللي فيها ليتفاجئ العالم كله بوقوع طيارة بالفعل في شرق الصين ووفاة كل اللي عليها!
ما هي قصة العرافة التايلندية وقالت ايه عن الحادثة قبل وقوعها وليه حذرت ابناء بلدها من ركوب الطيارة ؟ .. كل التفاصيل دي هنعرفها في التقرير اللي معانا .. تابعونا
رواد مواقع التواصل الاجتماعي في مناطق كتيرة بالعالم قاموا بنشر مقطع فيديو لعرافة تايلندية شهيرة اتنبأت خلال الايام الفترة اللي فاتت بوقوع حادث طيران مروع من غير ما تحدد المكان فوقع بالامس شرقى الصين وراح ضحيته كل الركاب، العرافة التايلندية في الفيديو قالت ان الحادثة هتقع بسبب مرض غريب هيصيب كل الركاب وهيفقد طاقم الطيارة السيطرة عليهم وهو ده اللي حصل بالفعل فكان موقفها غريب اوي.
قالت التقارير اللي نقلت تفاصيل الحادث ان في الفترة اللي فاتت الطبيبة التايلندية، “ناوراشا بينيتشابو كاكورن”، أو زي ماهي معروفة بالدكتورة “بلاي”، وهي عرافة شهيرة اتنبأت بحادث مهم وخطير وحذرت منه اكتر من مرة بتوقعها عن تحطم طيارة في القريب بسبب عدم قدرة طاقمها على السيطرة على الركاب اللي هيكونوا ضحية لمرض غريب ويموتوا في الحادث .
وقالت كمان الدكتورة ” بلاي” ان الضحايا هيموتوا في الحادث ده وفي الغالب هيكون السبب اصابتهم بفيروس مجهول، وده اللي اكده موقع “The Thaiger” بالامس.
التقارير اللي اتنشرت في مواقع اخبارية كتيرة، وتناقلها رواد مواقع التواصل الاجتماعي قالت إن مستخدمي الإنترنت ربطوا الحادث المؤسف اللي حصل بالأمس لطيارة “بوينغ 737” في الرحلة “MU5735” التابعة لخطوط طيران شرق الصين، واللي كان على متنها 132 شخص هو اللي اتوقعت بيه العرافة، فأعادوا نشر كلماتها في الفيديو الخاص بيها.
الفيديو ده ظهرت فيه الدكتورة “بلاي” في واحدة من حلقات برنامج “WOODY LIVE” اللي اتذاعت في يوم 12 أكتوبر اللي فات 2021، وحذرت من السفر بالطيارة لأنه هتكون في اخبار عن تحطمها قريب.
وقالت العرافة في الفيديو: “إن الطيارة هتواجه مشكلة وبشكل دقيق هيكون السبب مرض ركابها لدرجة أنهم هيكونوا خارج السيطرة. لكن مش متأكدة في أي بلد هتكون الحادثة لكن انا بأدعو جميع العاملين في شركات الطيران تطهير نفسهم قبل بدء رحلاتهم”.
وأضافت العرافة ” بلاي”: “إذا مكانش السخص محتاج للسفر فمفيش داعي يسافر خاصة لو هيسافر بالطيارة فإذا كنت تقدر تسوق فياريت يكون داخل تايلاند وعدم السفر للخارج لان هيحصل حادث”.
وتابعت بلاي: “بالتأكيد سلالة جديدة من الفيروسات جاية من الطيارة دي مية في المية وهتقع من الجو ومن المحتمل كمان ان الطيارة هتواجه مشاكل خطيرة أو ان الطيار هيعاني من مرض”.
