كنت تحلم بأن تقوم بأداء عمرة ولكن الإجراءات كانت تعطلك، وأيضا المصريف والتي تزاداد كل فترة، ولكن الآن فرصة العمر بعد أن أعلنت السعودية عن أرخص رحلة للمصريين سنكشف أهم التفاصيل عنها من خلال التقرير التالي:
خلينا متفقين إن السعودية كل كام يوم بتصدر قرارات جديدة بالنسبة للعمرة،وده علشان تساعد أكبر عدد ممكن من المسلمين إنهم يأدوا مناسك العمرة وبأسهل الطرق .
علشان كده السعودية بتقدم مجموعة تأشيرة للسفر لها للمصريينوتقدر من خلالهم تعمل العمرة اللى بتحلم بها ، التأشيرات دى فيها اللى محتاج باركود ،وفيها الى مش محتاج خالص..
بالنسبة للنوع الأول ده زى تأشيرة العمرة، وتأشيرة زيارة الفعاليات، وتأشيرة زيارة المهرجانات، وتأشيرة الزيارة الحكومية لغير الحكوميين، وتأشيرة زيارة المضيف، تأشيرة الزيارة السياحية.
وطبعا تأشيرة الزيارة الشخصية، ودى أخر التأشيرات اللى السعودية بطبقها السنة دي لاول مرة، وتقدر تستفيد منها لو مواطن سعودى ليك عملت دعوة ، ولازم تسافرله عن طريق البوابة المصرية للعمرة ومطلوب منك تدفع قيمة الباركود عشان تقدر تسافر ومترجعش من المطار.
أما بقى التأشيرات التانية اللي مش محتاج باركود وفيها بتدفع تمن التذاكر والتأشيرة بس فهي تأشيرة الزيارة العائلية, َوتأشيرة الزيارة التجارية وتأشيرة رجال الأعمال وتأشيرة للمؤتمرات، وتأشيرة الزيارة للمرور.
التأشيرة الدبلوماسية، والتأشيرة الخاصة، والتأشيرة المهمة، والتأشيرات الممنوحة للوفود الرسمية، وتأشيرات الإقامة.
دول كلهم سمعنا عنهم الفترة اللى فاتت لكن الجديد بقى إن السعودية بتجهز لبرنامج إسمه تذكرتك تأشيرتك ،وكل المطلوب منك تدخل علي موقع الخطوط الجوية السعودية أو تطبيقها على الموبايل وتحمل صورة لجواز سفرك وصورتين شخصيتين و تختار المطار اللي هتنزل فيه في السعودية واللي غالبا هيكون مطار جدة.
فى دقايق هتكون معاك تأشيرة مجانية مدتها 4 أيام تقدر خلالهم تعمل العمرة ،وتتحرك بكل سهولة فى السعودية.
يعني هتطلع العمرة بتمن تذكرة الطيران وبس وطبعا تكلفة الإقامة عليك، اللى هى تكلقتها حوالى مع إرتفاع سعر الدولار هتوصل ل 15 ألف مثلا مع 3 أو 4ألاف إقامة ومصاريفك من إنتقالات داخل السعودية يعنى يوم ما تدفع هتدفع كام 20 ألف جنيه هل فى عمرة دلوقتى بالمبلغ ده؟
تقدر كمان من خلال التأشيرات اللى قولتك عليها تعمل العمرة.. عندك مثلا :
تأشيرة الزيارة العائلية :تستخرجها لو ليك حد مقيم فى السعودية وبتكون مفردة يعنى الإقامة شهر ومدة صلاحيتها 90 يوم ،وممكن تكون متعددة الدخول سنة كاملة و صلاحيتها 90 يوم ، وتكلفة التأشيرة شاملة التأمين في حدود الـ 450 ريال للفرد يعنى بالمصرى كده3600 جنيه مصرى .
وبالنسبة لتأشيرة الزيارة الشخصية أو التجارية تستخرج من خلال مواطن سعودي، ولها شروط معينة، وتكون مفردة (شهر) أو متعددة الدخول (سنة كامله) وصلاحيتها 90 يوم ..ومش بتحتاج لكفيل ولا كشف طبى ولا كشف حسابى من البنك
أما بقى تأشيرة السياحة الخاصة بمقيمى دولة الخليج، يتم استخراجها لمقيمي دولة الخليج وأقاربهم من الدرجة الأولى (الزوج والزوجة والأبناء و الوالد و الوالدة)، وبتكون متعددة الدخول (سنة كامله) وصلاحيتها 90 يوم .
نيجى بقى لتأشيرة السياحة الخاصة بأمريكا وانجلترا ودول الاتحاد الأوربي (شنجن) والمقيمين بها:
تتستخرج التأشيرة دى عند الوصول، ولكن يُفضل طبعا تاخدها من منصة التأشيرات الوطنية علشان تقدر تسجل على تطبيق نسك وتستخرج تصريح العمرة ودخول الروضة الشريفة .
وبيتم استخراج هذه التأشيرة لأقارب الدرجة الأولى (الزوج، الزوجة، الأبناء ، الوالد، الوالدة)، وبتكون متعددة الدخول (سنة كامله) وصلاحيتها 90 يوم فى المرة الواحدة .
أما بقى تأشيرة العمرة الألكتروية B2C بيتم استخراجها من خلال وكيل معتمد، وصلاحيتها 90 يوم من الإصدار، والإقامة 90 يوم من الدخول، والسفر مره واحدة بس ومش متعددة .. وتصلح للعمرة والتنقل ومش بتحتاج لكشف طبي ،كمات سعرها اقتصادي.
طبعا السفر المباشر بالطرق دى بيخضع لاشتراطات وزارة السياحة المصرية، واللى بتفرض قيوداً عليها وتشترط وجود باركود عمرة على التأشيرة دى ويتم استخراجه من بوابة العمرة المصرية.
علشان كده البعض بيفضل إنه يسافر لدولة تانية زى الإمارات ومنها يدخل السعودية ،فالتكاليف يتكون أقل طبعا ..
بعد مل قولتلك كل التفاصيل دى ياتري تفضل أى تأشيرة فيهم علشان تعمل العمرة ؟هل ممكن تجربوا التاشيرة المجانية ولا بردوا شايفين إن العمرة مع شركات السياحة أضمن ؟شاركونا برأيكوا فى التعليقات.
