إن كنت تستعد للسفر إلى الكويت من اجل العمل أو ما زلت في مرحلة تجهيز الأوراق، فإنه يوجد بعض المعلومات الهامة عن الإقامة ومتى تسقط وأمور كثيرة هامة سنتعرف عليها من خلال التقرير التالي فتابعونا:
إنت دلوقتى سافرت وخدت الإقامة فى الكويت،والأمور مستقرة الحمد لله،هل الإقامة دى للأبد؟ أكيد لا فى أوقات ممكن تسقط الإقامة وأحيانا بتجددها ولها رسوم وإنواع وقوانين .
الكويت من أكتر الدول اللى فيها نسبة مصريين كتير كعمالة مصرية،ولكن فى بعض الأخبار اللى إنتشرت الساعات اللى فاتت عن قانون جديد للإقامة ياترى إيه حكاية القانون ده؟
الإقامة بتاعتك بتسقط ،لما تنزل من الكويت ،وتتجاوز فترة صلاحية الإقامة 6 شهور،فى الحالة دى صلاحيتها تنتهى ،وعلشان تعرف معاد إنتهاء إقامتك فى الكويت لازم تتبع شوية خطوات منها :
هتدخل على موقع وزارة الداخلية الكويتيتة ،وتختار الخدمات الإلكترونية الخاصة بالأفراد ،بعدها هتستعلم عن التأشيرةأو الإقامة ،هتدخل البيانات المطلوبة،هتختار إستعلام فيتم عرض بياناتك..
قانون الإقامة فى الكويت حصل عليه بعض التعديلات ،وبقى أشبه بقانون جديد لللإقامة وده فى شهر مايو اللى فات ،التعديلات دى زى إن إنت كمصرى وافد ليك إقامة دايمة بتوصل ل5 سنين،ولو إنت مصرى مستثمر فى الكويت ليك 10 سنة إقامتك وفى نفي الوقت اللى بيحدد إقامتك كمستثمر هو حجم إستثمارك وفلوسك والنشاط اللى هتستثمر فيه.
ولو والدتك كويتية فى الحالة دى إقامتك هتكون 10 سنين،ولو عندك عقارات فى الكويت هتاخد الإقامة طالما مغادرتش الكويت لمدة 6 شهور.
أبناء الامهات والمستثمرين الكويتيتن يعفو من طلب مصادرة الإقامة لو غادرواالكويت لأكتر من 6 شهور، كمان عامل الخدمة المنزلية عشان يحتفط بإقامته يسمح له مغادرة الكويت لمده 4 شهور..
طبعا لجنة الداخلية والدفاع فى مجلس النواب الكويتى وافقت على مشروع تنظيم إقامة الوافدين والتعديلات اللى تمت عليه بما فيها الغرامات والعقوبات المفروضة على العمالة المصرية والمستثمرين فى الكويت،فقانون عقوبات الإقامة الجديد فى الكويت بينص على :
إن لما مجلس الامة الكويتى وافق على قانون الإقامة للوافدين الجدد،ده تضمن فترات الإقامة أو الإقامة النظامية للمستثمرين.
ومن بعد التعديلات للقانون ده ،الحكومة الكويتيى بدأت تتحقق من صلاحيات الإقامة للمقيمين فى الكويت،ونقلت الصحيفة الكويتية عن مصادر بتقول إن قطاع شئون الإقامة بيراجع حاليا ملفات ما بين 9 او 10 ألاف تصريح إقامة ،وتم أكتشاف إن عدد كبير من المقييمن ملهمش حق ياخدوا الإقامة زى رجال الأعمال والشركاء فى الرخصة القانونية وزوجة الزوج المحكوم عليه بالحبس ،علشان كده عملوا التعديلات دى فى قانون الإقامة .
طيب نيجى بقى للجزء المهم: سعر أو رسوم الإقامة فى الكويت كام؟
وفقا لأحدث الأخبار الخاصة بالوافدين بالكويت،متطلبات الحصول على تأشيرة عمل متغيرتش،ولكن تم تحديد الأسعار زى زوجة وأبناؤ العامل المصرى الوافد بتدفع 10 دنادنير على كل فرد للإقامة فى الكويت،كمان إن سعر الإقامة فى الكويت لأسرة العامل الوافد غير الزوجة والأبناء 200 دينار كويتى للفرد,
وعلشان تجدد تصريح العمل بالرمز 18 الخاص بالعمالة الوافدة فى القطاع الخاص هتدفع 10 دينار كويتى..
طبعا سعر الإقامة بيختلف حسب نوع الإقامة ،هتسألنى طيب إيه انواع الإقامة فى الكويت إيه؟
فى حاجة إسمها إقامة مؤقتة ورمزها 14 رايح تنجز حاجة بسرعة وهترجع،أما الإقامة الحكومية دى الخاصة بالعمالة الوافدة فى القطاع الحكومى زى الدكاترة والمدرسين وعاملات المنازل ..
كمان إقامة رمز 18 :دى بياخدها العمالة الوافدة فى شركات القطاع الخاص ،ودى أكتر أنواع الإقامة اللى بتتطلب دايما ..
أما أقامة عاملة منزلية مدنية:ورمزها 20 خاصى طبعا بالعمالة الوافدة للعمل فى المنازل.وفى كمان إقامة رمز 22دى متاحة لأقارب وعائلات العمالة الوافدة بغض النظر عن مجال شغلهم..
وأخيرا إقامة رمز 22 دى تمنح للطلاب فى جامعات الكويت ومؤسسات التعليم العالى ..
خلى بالك إنت كمصرى وافد ممنوع تشتغل عند حد بالمخالفة لشروط إقامتك بالكويت ،فغير قانون على اى صاحب عمل اجنبى او المجند إستخدامه لأى غرض غيلا إستقدام أو تمكين أو تسهيل عمله للأخرين بدون ترخيص من السلطة المختصة .
وعلشان تجدد إقامتك يادوب خلال 3 ل10 أيام تقدر تجددها وبكل سهولة ..
كده انا قولتك كل التفاصيل الخاصة بالإقامة فى الكويت والتعديلات اللى تمت عليها ،وكمان الرسوم ،الدور عليك إنت بقى تركز فى التعليمات دى علشان متقعش فى المحظور وتكون عقوبتك الحبس أو الغرامات اللى إنت كمصرى مغترب أولى بكل قرش هتدفعه ولأ إنتوا رايكوا إيه؟
