قيل عنه الكثير من الكلام، وقيل إنه ضخم وبعضلات لكن تحت هذه العضلات قلب من ذهب، خبير محميات طبيعية يكشف تفاصيل عن صفات كلب البيبول عكس ما تردد عنه.
من بعد الواقعة الأخيرة لكلب الإعلامية أميرة شنب ،واللى عمله فى جارها لما أكل دراعه ورجله ،ولحد النهاردة لسه الموضوع شاغل بال كل الناس ..وهيفضل الكل مهتم بالموضوع لحد ما يتم عقوبة صحاب الكلب ولا إيه!
من وقتها والكل بقى فجأة مهتم يعرف معلومات عن الكلب وتفاصيل عن حياته بياكل إيه بيشرب إيه ؟تعاملاته إزاى مع الناس فى اللى كان حقيقى وبيحصل، وفى اللى طلع مجرد شائعات .. الغريب بقى إنه مش شرس زى ما إتقال بالعكس كيوت ومحبوب جدا ومتفهمش كويس ..أصدرنا على الكلب أحكام وطلعت غلط تخيل؟
مفيش أطيب من قلبه ..وغالبا هيطلع عيبه الوحيد طيبته الزايدة ،وإحنا اللى كنا بنقول عليه شرس لا ملناش حق بجد ،إحنا أسفين يا بيتبول .
الدنيا قامت على الجمعية اللى إستضافت كلب الإعلامية وبعد تصريحات واحد من المدربين فيها لما قال إن الكلب ودود جدا عكس اللى إتقال لما كانوا بينقلوه فى القفص الحديدى.
وأكد إن الكلب مش بيعانى من اى إضطرابات زى ما إتقال بالعكس ..وإتضح إنه كان هادى وودود معاهم لإن معاملتهم وهم بينقلوه كانوا صابرين عليه ونقوله بهدوء ..اما لو كان حصل العكس كان هيحصل معاهم زى اللى حصل مع مدير البنك ويمكن أكتر كمان ..لكن هو فاهم طبيعة النوع ده من الكلاب .
كلب البيبتول ماشى بمبدأ المعاملة بالمثل ..لاقينى ولا تغدينى ..بعد الواقعة تم عرض الكلب على مديرية الطب البيطري بالجيزة لفحصه، وده تنفيذا لقرار النائب العام،خاصة بعد اللى إتقال إن عنده أعراض مش طبيعية. لأن بعد اللى عمله ،الدكاترة أكدوا إن الكلب متفيرس بشئ مش معروف قبل كده، هوا اللى اتسبب في أن المصاب دخل في غيبوبة
لكن مديرية الطب البيطرى أكدت إنه طبيعى جدا ومش بيعانى من أى أعراض غير طبيعية،وإنه واخد كل التطعيمات اللازمة، والترخيص كمان من الجهة المختصة، علشان كده أمرت النيابة العامة بإيداعه فى مستشفى بيطرى لحد ما تم نقله لمركز تدريب لتعديل سلوكه.
ونشرت المديرية مجموعة من المعلومات عن البيتبول..مش هتصدق قالوا إيه !
الدكتور عاطف محمد كامل خبير الحياة البرية والمحميات قال إن البيتبول له سمعة سيئة،وإنه ضخم أيوة وبعضلات لكن تحت العضلات قلب من دهب ،محبوب جدا من مربى الكلاب فى العالم،وبتتميز بالدفء والطيبة بشكل غير طبيعي.
طيب ياترى ليه بيتقال عليه شرس؟ والسبب فى كده إنه نشأ فى بيئة عنيفة ،ومش مقبول من قبل من قبل نادي الكلاب الأمريكي،وقبل كده كان رمز للجيش الأمريكى وده لسهولة تشريسه..
البيتول عنيف وعنيد جدا مع الشخصية العنيفة العنيدة ،طبيعى مش هيضرب ويتهان ويقف يتفرج ،اكيد هيهاجمك لو حس بأى عنف ناحيته .
هو منفاش شراسة كلاب البيتبول بالعكس ولكن هم اوفياء جدا لأصحابهم يعنى مش ممكن يعملوا اللى حصل مع اللى دربوهم وربوهم ، إلا فى حالة واحدة لو عاملوه بالضرب ،دايما بيتدرب على الهجوم والمطاردة وبيتم الإستعانة به فى الصيد.. لدرجة إنه قالوا عليه الفك القاتل.
أكد كمان إن زيها زى اى كائن حي لو إتعرض لمشاكل سلوكية بالتأكيد هيبقى عنيفً، إذا أسيء التعامل معها أو إساءة استخدامها أو تربيتها بشكل سيء أو غير اجتماعي هيبقى عدوانى بدون اى مناسبة ومش هتقدر تحدد الهجمة ممكن تجيلك منه منين وإزاى!طبيعى مش أى حد يعرف بتعامل مع النوعية دى من الكلاب ،أو الكلاب بشكل عام لازم تعرف من صاحبه معلومات عنه ويتعامل معاه إزاى !
طيب معنى كده إنها عدوانية فعلا؟ الدكتور عاطف أكد إنها فعلا عدوانية بسبب تاريخهم مع الكلاب الأخرى، فإن بعض كلاب البيتبول عندهم ميول عدوانية مع الكلاب التانية ولكن إذا تم الاهتمام بتنشئتهم اجتماعيًّا في وقت مبكر وتدريبهم على معرفة السلوك الجيد، فيمكن التقليل من الطابع العدواني اللى معروفين به .
هل كده إن اللى حصل لمدير البنك كان بسبب خناقة بين كلاب ؟ كلب الإعلامية مع كلب مدير البنك زى ما إتقال؟
