كل سنة وأنتم طيبين، اليوم اول سحور فى شهر رمضان المبارك، الكل يجهز للسحور والفطار، منهم أنتم ونحن وحتى أسره المستشار مرتضى منصور، فهم في فى العاده يفطروا أول يوم فى النادى، إنما بقى المستشار نفسه فسوف يتسحر اليوم في الحبس.
اسئلة كتير بتدور فى دماغ محبي المستشار مرتضى منصور اليومين دول، ياترى المستشار عامل ايه في الحبس، بيقضى أيامه ازاى، هيتسحر إيه النهاردة وهيفطر ايه بكره، كل الكلام ده يعنى، وضيف عليه يقدر امتى أصلا يخرج المستشار مرتضى منصور من الحبس ويروح يفطر مع ولاده.
فى البداية كده هنتكلم على فطار المستشار مرتضى منصور فى الحبس، فى عز الوقت اللى ولاده وباقي أسرته هيفطروا وسط حبايبهم الزملكاوية فى النادى ووقت تانى فى بيتهم الكبير اللى فى شارع جامعه الدول.
يقال وعلى حسب موقع اليوم السابع، أن المحبوسين فى رمضان واللى منهم مرتضى منصور بيكون متروق عليهم، أكل وشرب واللذى منه، بياكلو على الفطار ايام لحمه وكباب وكفته وأيام سمك مشوي وأوقات محمر، عشان ميزهقوش يعني، زيد على كده أنهم بيشربوا عصائر، قصب وسوبيا وتمر هندي وكمان فيه عرق سوس للكيفية واللى بيحبوه.
كل الأكل و النغنغة دى عشان الداخلية عايزه تعوض المحبوسين عن أيام رمضان وأجواء البهجة والسرور اللى لو كانوا بره كانوا بيعيشوها، عايزين يبسطوهم يعنى فى الآخر.
من حق نسيت اقولكم على السحور اللى منتظره المستشار مرتضى منصور النهارده .. المستشار ياجماعه سحوره فول وجبنه بيضه، وكله على حساب الحبس مش المستشار، وهيكون الفول جاهز لكل المحبوسين ومنهم المستشار قبل الفجر بساعة علشان يلحقوا ياكلوا بألف هنا.
لحد هنا ونكون وصلنا لنوعية الإفطار والسحور اللى منتظره المستشار مرتضى منصور فى الحبس.: لكن رغم ده الأخبار اللي ظهرت كلها بتقول أن المستشار بيعيش في حالة حزن كبيرة داخل الحبس وأنه كمان اصيب باكتئاب مش بس بسبب الحبس وأنه بيقضي رمضان بعيد عن والده وأسرته لكن كمان بسبب اللي بيحصل في النادي وتراجع الفريق اللي تعب فيه.
مرتضى منصور مستني يطلع بفارغ الصبر عشان يظبط الفريق ويقدر يرجع الروح للاعبية.. طيب امتى بالظبط يقدر يطلع المستشار مرتضى منصور من الحبس ويفطر مع ولاده.
على حسب كلام المستشار العسال اللى هوا محامى مرتضى منصور، فا موعد خروج مرتضى منصور بعد مايقضى شهر كامل في الحبس، ولحد النهارده مرتضى منصور يكون قضي 27 يوم حبس وفاضل عليه ليوم الاحد اللى جاى، ويصبح المستشار مرتضى منصور حرا طليقا وليه الحق يفطر مع أهله وحبايبه.
أنتم تفتكروا بعد مايطلع المستشار مرتضى منصور من الحبس هيعمل ايه، إيه أول الحاجات اللي هتبقى في اهتمامه، هل هيقضى شهر رمضان صلاة وصوم بس، يولا هيطلع يشوف الأزمات اللى بيمر بيها نادى الزمالك دلوقتى.
