صيانة مجانية 60 الف كيلو متر و ضمان خمس سنين، تشتري الفيات تيبو أم اليابانية نيسان سنترا و أرخص منها بـ43 الف جنية، تابعونا من خلال التقرير التالي سنوضح أبرز الفروق بينهما:
خلينا في البداية مع اليابانية بتجميع مصري نيسان سنترا، و نتكلم اول حاجة علي المجرك و منظومة القوة :
العربية بتيجي بموتور 4 سيلندر 1600 سي سي تنفس طبيعي، بيخرج قوة 118 “حصان”،وعزم دوران 154 نيوتن في متر،
و متوصل بفتيس أتوماتيك CVT، وبتتسارع العربية من صفر حتى 100 كم/ ساعة، بيكون خلال 10.9 ثانية.
و متوسط الاستهلاكها حوالي 8.9 لتر لكل 100 كم.و العربية من وقت تواجدها في السوق محدش اشتكي من موتورها .. و الموتور اعتمادي كعادة الصناع اليابانيين.
الأمان والسلامة ف نيسان سنترا
نبص علي تاني حاجة و هيا ووسائل الأمن والسلامة :نيسان سنترا موديل 2023 بتيجي بمجموعة من المواصفات ووسائل الأمن والسلامة الجيدة، فيها 2 وسادة هوائية،وفرامل مانعة للانغلاق ABS، وتوزيع إلكتروني للفرامل EBD، وبرنامج تدعيم الفرامل BA، ونظام إيموبليزر ضد السرقة.
الشكل الخارجي لنيسان سنترا
و تالت حاجة هيا الشكل الخارجي :العربية بتنزل بـ مصابيح ضباب أمامية، مصابيح امامية حساسة للإضاءة، مصابيح أمامية وخلفية led، زجاج خلفي فامية، إضاءة نهارية LED، و مرايات كهربائية بالكامل.وجنوط رياضية 16 بوصة، سعة الشنطة الخلفية 510 لترات.
داخلية السنترا
رابع حاجة و هيا داخلية السنترا، السنترا بتيجي بتجهيزات داخلية مناسبة جدا فيها :
طارة مالتي فانكشن، و كاميرا خلفية، و شاشة 7 بوصة بتعمل باللمس و بلوتوث و مدخل USB و AUX
و GPS، و زر تشغيل السيارة بدون مفتاح و قفل مركزي ومسند يد خلفي.
اخيار مع الاسعار : و بعد الزيادات الاخيرة وصلت النيسان سنترا بالفئة الوحيدة المتاحة منها وهيا الفئة التانية لسعر 581 الف و 500 جنية.
منتشرة بشكل واسع في الشوارع المصرية لانها اعتمادية و مناسبة للعائلات، و بتتميز السنترا بالوساعة و الراحة و التقفيل الممتاز .
نشوف الي متصدرة الاخبار بعرض وكيلها الفيات تيبو و الي الوكيل بتاعها نازل بعرض صيانة مجانية لمدة 3 سنين او 60الف كيلو متر ايهما اقرب و ضمان شامل 5 سنين او 150 الف كيلو متر ..
طب نتكلم عن اول حاجة في التيبو و هيا محرك:
محرك التيبو
المحرك بيجي سعة 1600 سي سي، وبقوة 110 حصان، وعزم دوران 152 نيوتن/ متر، و متوصل بفتيس أوتوماتيك 6 سرعات
و متوسط استهلاكها 6.3 لتر لكل 100 كم.و العربية بتقدر تتسارع من صفر لغاية 100 كم /س في خلال 11.5 ثانية.
وسائل الأمان والسلامة
و تاني حاجة في التيبو هيا وسائل الأمان والسلامة:العربية فيها مجموعة ممتازة للامان، فيها وسائد هوائية للمقاعد الأمامية، و فرامل مانعة للانغلاق ABS، وبرنامج التوازن الإلكتروني ESP. و توزيع إلكتروني لقوة الفرامل EBD، و نظام مراقبة ضغط الإطارات.
السيارة من الخارج
نشوف تالت حاجة و هيا العربية من الخارج :العربية شكلها حلو جدا من برا وواخدة الطابع الاوروبي كويس.. و العربية بتيجي بـ
حساسات ركن خلفية، حساسات ركن أمامية، مصابيح ضباب أمامية وخلفية، مصابيح أمامية زينون، إضاءة نهارية ليد
ومرايات كهربائية بالكامل، جنوط رياضية 17 بوصة.
الداخلية للسيارة
رابع حاجة و هيا داخلية العربية، العربية بتيجي بإمكانية الدخول بدون مفتاح، و مثبت سرعة، و كاميرا خلفية
وعجلة مالتي فانكشن، و خاصية تشغيل تلقائي للمصابيح الأمامية، وتكييف هواء أوتوماتيك، عدادات ديجيتال
و شاشة وسطية 10 بوصة تعمل باللمس
الأسعار
خامسا و اخر حاجة و هيا الاسعار :
شركة داينامكس زي باقي الشركات هلت علينا في اول فبراير بقايمة اسعار محدثة .. بزيادات علي كل موديلاتها .. موديل 2023 الجديد، العربية فيها تلت فئات
الفئة الاولي بسعر 625 الف جنية
و الفئة التانية بسعر 685 الف جنية
و الفئة الثالثة بسعر 720 الف جنية
اما عن التيبو 2023 الهاتشباك :
متاح فيها فئتين:
الفئة الاولي بسعر 685 الف جنية.
و الفئة التانية و صلت لـ 770 الف جنية.
التيبو من لما نزلت لسوق المصري و اتصدرت ارقام المبيعات و اخدت نصيب كبير السوق المصري .. في النهاية دي كانت مقارنة بين السنترا و التيبو .. و الاختيار ليك في الاخر .. قولولنا اية اكتر عربية مناسبة في الفئة دي ؟!
