خبر سار لكل مصري يعمل في الكويت وخلال أيام فقط، قرار جديد من الكويت بشأن لم شمل العائلة فما هي التفاصي؟ هذا ما نتعرف عليه من خلال التقرير التالي:
الكويت بقالها فترة بتغير في قوانين العمالة الوافدة سواد بقى كانوا مصريين أو من أي جنسية تانية، عشان كده الفترة اللي فاتت حصلت لخبطة كبيرة بخصوص مصير العمالة المصرية وهل هيستغنوا عنها ولا لأ؟
بس الخبر الجديد بقى ان الكويت وخلال أيام قليلة، هتعلن عن تعليمات باستئناف إصدار تأشيرات “الالتحاق بعائل”، حسب مصادر أمنية لصحيفة “الراي” الكويتية.
المصادر دي قالت إن “المرحلة الأولى من إصدار تأشيرات الالتحاق بعائل هتكون مخصصة للاطفال، وتدريجيا هيتم فتحها للزوجة والأم والأب، بناء على معايير محددة من وزارة الداخلية”.
طيب ليه الكويت وقفت التأشيرات دي اصلا وليه رجعتها تاني؟
المصادر وضحت إن وقف منح التأشيرات لفترة.. كان هدفه وضع ضوابط وإجراءات محددة تجمع بين تعديل التركيبة السكانية والحفاظ على حقوق المقيمين بجمع شملهم مع أسرهم.
وفي الوقت نفسه، كشف مدير الهيئة العامة للقوى العاملة، الدكتور مبارك الجافور، عن متابعة كل خطوات استقدام العمالة الجديدة إلى الكويت والتدقيق على كل الإجراءات الخاصة بها، عشان يضمنوا الحماية الكاملة ليها من لحظة توقيع العقود لغاية الالتحاق بالعمل في البلاد.
كمان استغل الفرصة عشان يأكد ان مفيش منع لإصدار أي إذن عمل لأي جنسية، باستثناء الجنسيات اللي لها آلية خاصة من خلال وزارة الداخلية، زي سوريا – إيران – باكستان – اليمن – كوريا الشمالية – أفغانستان – العراق.
وعلي فكرة شركات في الكويت كانت طالبة عمالة الفترة اللي فاتت وبمرتبات خيالية وصلت إلى 97 ألف جنيه، زي وظيفة مطور برامج متقدم في شركة Unary Team براتب يبدأ من 500 دولار وحتى ألف دولار، يعني حتى لو قلنا الدولار 24 جنيه بس، يبقى بنتكلم في مرتب بيبدأ من 12 ألف جنيه وحتى 24 ألف جنيه.
وتاني وظيفة هي سكرتارية مرتب يبدأ من 1500 دولار الى 2000 دولار، يعني حوالي 36 ألف جنيه مصري لغاية 48 ألف جنيه.
والوظيفة التالتة هي متخصص it في شركة دار النبهان المتخصصة في الاستشارات الهندسية العامة، وبراتب شهري يبدأ من $1،000 الي $1,500، يعني من 24 ألف لغاية 48 ألف جنيه.
والوظيفة الرابعة في شركة Maramko عبارة عن فرص عمل لمندوبين مبيعات وهي شركة متخصصة في مجال تطبيقات الموبايل والمعروضات على الإنترنت.
والوظيفة الخامسة هي مدير تشغيل في شركة متخصصة في العطور ومستحضرات التجميل، وبراتب شهري يتراوح ما بين $3،000- $4,000 يعني حوالي 97 ألف جنيه.
انتوا بقي ايه رايكم في الشغل في دول الخليج؟ وهل شايفين المرتبات لسة محزية عموما والفرص هناك ماتتعوضش؟ ولا الغربة تكاليفها بقت كتير؟ ومن جهة نظركم إيه أفضل دولة فيها شغل للمصريين برة؟
