حالة من الجدل على الرأي العام الفترة الماضية بسبب الخناقة التي حدثت بين الشيوخ خالد الجندي ومظهر شاهين التي وصلت لاتهامات بمخالفة الدين، ليس هذا فقط بل ان الأمر تطور ووصل لمخالفة العقيدة والدين.
الخناقة اللي حصلت كانت بين الاثنين على الرأي العام وانتقلت إلى مؤيدي الاثنين على السوشيال ميديا.. لكن إيه السبب في الخناقة؟ وليه الشيوخ عملوا كده في بعض؟.. تفاصيل كتيرة نكشفها في الفيديو ده.
مفيش كلام في الرأي العام إلا عن الخناقة اللي حصلت بسبب الشيخ خالد الجندي والشيخ مظهر شاهين اللي شغلت الرأي العام.. والكل بيسأل إزاي 2 شيوخ يعملوا في بعض كده ويوصل بيهم أن كل واحد يطلع يتهم التاني أنه خارج عن الدين.
ماذا حدث بين الشيخ مظهر شاهين وخالد الجندي؟
البداية كانت بعد ارتفاع الدولار وتعويم الجنيه وكالعادة طلع الشيخ خالد الجندي في البرنامج اللي بيقدمه واسمه “لعلهم يفقهون” على قناة “دي أم سي” وقال وقتها إن المفروض منبربطش الجنيه بالدولار ولا باليورو ولا بأي عملة تاني وغنما نربط بإماننا بربنا.. وإن كل اللي إحنا فيه هو من ربنا.
مش بس كده لكنه قال إن بسبب ابتعادنا عن ربنا حصل لنا كده لأنه سبب الغلاء.. وربنا هو اللي بيرزق كل دولة بالرزق بتاعها وإحنا لازم نقرب من ربنا.
الكلام ده أثار حالة من الجدل الكبير في الرأي العام والسوشيال ميديا وإن الشيخ خالد الجندي إزاي يحمل أمر في الدنيا والجنيه بإيماننا بالله.. وكان من ضمن الناس اللي طلعوا وهاجموا الشيخ الأزهري خالد الجندي كان الشيخ الأزهري برضو مظهر شاهين.. وقال إن كلامه مخالف للعقيدة وده كلام فارغ وفيلم هابط ولموش أي علاقة بالدين وأن الكلام عن ربط سعر صرف الجنيه بالإيمان بالله تعالي مش حقيقي.
مظهر شاهين اللي طلع وقال إنه خالف العقيد وأن القوة الاقتصادية لها أسبابها اللي مش من بينها الإيمان لكنه بيهرب من الموضوع لما عجز عن الرد عليه بالعلم والحة.
لكن كالعادة خالد الجندي مسكتش عشان يطلع ويدر ويقول إن إزاي الناس تهامه بالشكل ده وإن أصلا من ضمن أسماء الله تعالي وهو “المُسَعِّر” بمعنى أنه هو صاحب الرزق وهو من يرزق من يشاء.
مش بس كده لكنه هاجم مظهر شاهين بشكل غير مباشر وقال إن في بعض الشيوخ يحاولوا يصطادوا في الانتقاد والتريند عشان يكونوا مع الناس وأنهم لا أصحاب علم ولا يفقهوا في الدين.
لكن الأمر تطور أكبر عشان يطلع مظهر شاهين ويهاجم خالد الجندي بشراسة وقال إن كلامه عن اسم الله “المُسَعِّر” هو حق يريد به باطل وكلام سطحي ينم عن قلة الوعي.. وأنها بيتاجر بالدين من أجل أهداف بعينها.
مش بس كده لكن كمل وقاله بالنص: بلاش شغل الغلوشة ده يا مولانا صاحب المجلس والبرنامج، وبلاش تستخبى خلف أحد..وأذكرك بأن أصل الخلاف بيننا ليس حول أن الله هو المُسَعِّر كما تحاول أن تدعي، إحنا خلافنا حول دعوتك إلى وجوب عدم ربط سعر صرف الجنيه بالدولار والذهب وإنما بالإيمان بالله تعالي، واللي أنا قلت عليه كلام فاضي، ركز معايا يا مولانا الفاضل ربنا يكرمك>
