تعرف على الهواتف التي يتوقف عليها الواتساب خلال ساعات

هل يعمل الواتساب على هاتفك المحمول؟ سواء كانت إجابتك نعم أو لا؟ عليك أن تراجع الإصدار الخاص بهاتفك المحمول، وذلك لأنك قد تتفاجئ بتعطل الخدمة على هاتفك خلال ساعات، وذلك بعد إعلان الشركة توقف الخدمة على العديد من الهواتف وهذا ما سنتعرف على تفاصيله من خلال التقرير التالي:

شركة ميتا المالكة الفيسبوك وانستجرام وكمان واتساب قررت توقف تشغيل تطبيق المراسلات الشهير واتساب على عدد من الهواتف بيوصل عددها للملايين والتنفيذ هيبدأ خلال ساعات وتحديدا 31 ديسمبر.و الايقاف ده هيبقي ساري علي كل الموبايلات بإصدار قديم سواء كانت شغالة بنظام الاندرويد أو الios

وحسب التقارير ، قائمة الأجهزة القديمة اللي هيتنفذ عليها القرار فيها 49 موبايل من Apple و Samsung و LG وغيرها من الماركات.

كمان صفحة الدعم الرسمية الخاصة بالواتساب نزلت توضيح قالت فيه انه عشان التطبيق يشتغل على موبايلك لازم يكون إصدار الاندرويد بتاعك 4.1 أو أحدث لكن لو أقل من 4.1 التطبيق هيقف.

ولو موبايلك ايفون لازم نظام التشغيل يبقى iOS 12 وما فوق، كمان الموبايلات اللي شغالة بنظام KaiOS 2.5 بما في ذلك JioPhone و JioPhone.

طيب إيه السبب ولو إصدار موبايلك أقل من الأرقام دي ايه اللي هيحصل؟ الشركة قالت ان الخطوة دي هدفها وقف دعم أنظمة التشغيل القديمة لتوجيه مواردها لدعم أحدث الأنظمة.

ولو التطبيق على موبايلك هيتم وقفه، الشركة هتبعتلك رسالة قبلها تعرفك وهتبعت تفكرك اكتر من مرة عشان تعمل ترقية لجهازك وتقدر تستخدم واتس آب من غير مشاكل.

ودلوقتي بقى خلونا نشوف مع بعض قايمة الموبايلات اللي محتاجة تحديث وفيها ايفون 5،آيفون 5 سي، أركوس 53 بلاتينيوم، جراند إس فليكس زد تي إي، جراند X كواد، وHTC Desire 500.

وبالنسبة لموبلايات هواوي موجود في القايمة هواوي، Ascend D، هواوي Ascend D1، هواوي اسيند دي 2، هواوي اسيند G740، هواوي Ascend Mate، هواوي Ascend P1.

أما ماركة lG فكان ليها النصيب الأكبر ، زي هواتف إل جي Enact، وLG Optimus بداية من F3 إلى F7, كمان إصدار ال جي من L2 إلى L7.

وفي سامسونج موجود موبيلات سامسونج جالاكسي الآس 2، سامسونج جالاكسي كور، سامسونج جالاكسي S2. وكمان سامسونج جالاكسي S3 ميني، وسامسونج جالاكسي تريند لايت، وهاتف Samsung Galaxy Xcover 2

وفي ماركة سوني موجود موبايل سوني اكسبيريا ارك اس، سوني اكسبيريا ميرو، سوني اكسبيريا نيو إل وعموما شركة ميتا كل فترة وبشكل روتيني بتوقف تشغيل تطبيقاتها على الإصدارات القديمة تدريجيا، وكان مارك زوكربيرج اشتري واتساب في صفقة قيمتها 19 مليار دولار سنة 2014.

والشركة في الأساس كان اسمها فيسبوك لكن بعد إطلاق مارك لخدمات العالم الافتراضي أو الميتا فيرس، غير اسم الشركة لميتا.

وفي النهاية قوللنا بقى هل واجهتوا اي مشكلة في استخدام الواتساب الأيام اللي فاتت؟