أسرار اجرأ ممثلة مصرية وما حدث معها بمكتب السبكي مفاجأة

علاقة الفنانين ببعضهم تحكمها حاجة واحدة فقط وهي “الشهرة والنجومية” ومن اجلها ممكن يفعلوا أي شئ، فتجد بعض الفنانين يخسروا أصدقائهم بسبب دور فني، لكن هذا لا يمنع أن بعضهم يحافظ على أصدقائه وعلاققته بهم.

الفنانة “نهلة سلامة” المعروفة بجراأها الكبيرة على الشاشة كانت حديث الجماهير خلال الايام اللي فاتت بعد رحيل والدتها

نهلة لما عملت عزاء لوالدتها اتفاجئت بغياب الفنانين عن تقديم واجب العزاء لها، ماعد افراد يتعدوا على اصابع اليد

“نهلة” زعلت اوي في نفسها وده خلاها تقول إن الوسط الفني مفيهوش حاجة اسمها صداقة، المصلحة بس هي اللي بتحكم.

لكن رجعت تاني وقالت انها مقدرة ظروف الناس، بس في بعض أصدقائها كانت بتعتبرهم مقربين ملهمش اي اعذار.

نهلة كان لها موقف مع الفنان حسين فهمي لما اشترط فساتين محتشمة لحضور مهرجان القاهرة السبنمائي.وقتها وقغت قي وش حسين فهمي وقالت ان الشرط ده معترضة عليه، وهتلبس اللي يناسبها هي وبس.

نهلة سلامة لها ازمات كتيرة في الوسط الفني اشهرهم خلافاتها مع الفنانة الراحلة جالا فهمي، اللي قالت عليها بعد رحيلهاأنها سامحتها على كل اللي فات لانها كانت بتعتبرها بمثابة أخت لها، وكانت اقرب واحدة لها في بداية شغلها الفني وربنا يرحمها.

” نهلة سلامة” عن خلافاتها مع جالا فهمي قالت ان الشغل هو السبب، لكن ده مغيرش من مشاعرها ناحيتها.كانوا بيتقابلوا في الأيام الاخيرة لجالا في المناسبات ويتبادلوا السلام” لكن الأمور مكانتش زي الاول ط، بعدما كانت في وقت سابق صديقتها المقربة – أنتيميتها.

“نهلة سلامة” قالت وقتها نفس العبارة اللي قالتها عن الفنانين لما غابوا عن عزاء والدتها.قالت للأسف في الوسط الفني الصداقة مش بتستمر بين الأشخاص كتير، والغيرة بتغير الأمور وبتغير النفوس كمان بين الصحاب.

كمان حصلت خناقة كبيرة بينها وبين الراقصة “دينا” حول خطف دور نادية اللي عملته نهلة في فيلم “مستر كاراتيه” سنة 1993

وده زعل منها الراقصة “دينا” فقالت نهلة سلامة انها كنانت بتصور فيلم أمريكا شيكا بيكا، وبعد انتهائها لقت المخرج محمد خان وأحمد زكي بيكلموها في الدور.

اختاروها هي للمشاركة في بطولة فيلم مستر كاراتيه، من غير متعرف إن “دينا” كانت مُرشحة لنفس الدور وحصل زعل بينهم.

والدور ده قالت عليه “نهله” انه كان هيضيع منها لأن المنتج محمد السبكي رفض إعطائها اجر زي دورها في فيلم أمريكا شيكا بيكا.

وهنا دخلت في خلاف تالت مع منتج الفيلم “محمد السبكي”، وده حصل لما قابلته في مكتبه، وفي القعدة طلبت منه تاخد نفس الاجر لكن السبكي رفض، فسابته وخرجت من المكتب زعلانة.

لكن بعدها ممثل كببر رجعها للمكتب تاني، وقعدت مع “السبكي” وفي الاخر اتفقوا على الدور، وعملته نهلة بالفعل، فاتفاجئت بالراقصة دينا زعلانة منها.

“نهلة” لها موقف مشهور مع الفنان الكبير “فاروق الفيشاوي”، كان اترشح لعمل فيلم الشرف، واختاروها للمشاركة فيه، وبعدما جهزت نفسها واشترت ملابس الدور، تم اختيار فنانة تاتية غيرها، فزعلت من الفيشاوي.

وعن سبب سخريتها من الفنانة “علا غانم”، بسبب تصريح الأخيرة بعد رجوعها لمصر من امريكا خلال الايام الاخيرة.

لما قالت نهلة رداً على رجوع “علا” من الخارج، انها رجعت هي كمان من أمريكا علشان تظبط شعرها في مصر، والموضوع كان هزار مش أكتر.

وعن فيفي عبده، قالت نهلة سلامة إن علاقة قوية بتربطها بفيفي، وبتعتبرها من الفنانات الاقرب لقلبها وبتحبها كتير، لانها ست جدعة وبنت بلد.

“نهلة سلامة” لما اتسالت عن ادوار الإغراء قالت ان المخرجين هما اللي شخصوا ادوارها بالشكل ده، لكن الإغراء مش تهمة، وهي ممثلة طالما ده هيخدم الدور.

كمان عن سبب انفصال والديها قالت ان والدتها ست صعيدية ودماغها ناشفة، وباباها كان عايش حياته وبيخرج كتير فحصل الانفصال بينهم.