حصل بينهم مشكلة كبيرة وتركها وذهب إلى الساحل يهتم بشغله، بنته تعبانة بقالها 3 أيام وأمها هي من ترعاها والب لا يعرف عنها أي شئ، كل شئ ظهر للنور، كلامنا هنا عن انفصال الفنان أحمد سعد عن مراته وأم بناته علياء بسيوني وكواليس مفاجأة بسبب الانفصال ده.
إزاي أحمد سعد كان سايب بناته وقاعد في الساحل؟ وإيه أسرار خناقة أحمد سعد وعلياء بسيوني اللي كانت سبب في انفصالهم؟ هل سمية الخشاب ليها علاقة بالقرار؟.. خليكوا معايا في الفيديو ده هقولكم تفاصيل الحكاية.
أحمد سعد قرر ينفصل عن مراته مصممة الأزياء علياء بسيوني وده بعد ما كانوا عايشين مستقرين في نبات ونبات وخلفتله البنات.. بس أحمد سعد خلاص خرب بيته بإيده وده كله عشان خناقة كبيرة حصلت بينهم وأحمد سابها وطلع على الساحل عشان شغله كان أهم بالنسبة ليه.. وطبعاً محدش عارف الحياة هتبقى عاملة إزاي دلوقتي وشكل شغله الكتير اليومين دول هو اللي دمر حياته مش اختياراته.. وعشان كده في تفاصيل كتيرة ورا الانفصال والخناقة عملنالكم الفيديو ده علشانها.
انفصال مفاجئ
تم الطلاق بيني وبين أحمد سعد.. دول الكلمتين اللي بدأت بيهم علياء بسيوني كلامها للجمهور اللي شافت إن من حقه يعرف إنها انفصلت عن جوزها أحمد سعد زي ما عرفوا إنهم اتجوزوا بالظبط.. الغريبة إن الانفصال حصل في نفس شهر جوازهم أغسطس وهما اتجوزوا سنة 2021 وبكده يكون اتجوزوا سنتين وخلفت فيهم بنتين هما عليا ومريم.. والقرار ده قالت إنه عن رغبة كاملة من أحمد سعد ومش منها هي خالص هي كانت عاوزة تعيش وتكمل في العلاقة دي ومستحملة عادي.
معدن سيء
علياء بسيوني قالت أحمد سعد ده معدنه سيء وأصله مش طيب وعلشان كده شكرته على قراره اللحظي اللي هو غير موفق في نفس الوقت عشان اتسبب في خراب بيتهم وتدمير أسرتهم الجميلة.. والكلام الخطير بقى إن عليا شايفة وحسب كلامها إنها تعبت في العلاقة دي لوحدها خالص وحاولت كتير تعدي مواقف مفيش حد في مكانها يقبلها وكل ده عشان الأسرة تفضل موجودة وكمان لأجل بناتها.. كمان هي كانت شايفة إن المشوار هي اللي ابتديته ومكانتش حابه إنه ينتهي خالص.
أحمد سعد في الساحل
أحمد سعد الفترة دي موجود في الساحل وعنده حفلات كتير وعشان كده جت السيرة وقالت شكرًا على توقيتك الجميل في الانفصال أنا قاعدة ببنتي 3 أيام وانت مش عارف حاجة عشان مشغول في الساحل وخروجاته كتير وبعدها شغله وميعرفش حاجة عنهم.
مقلب أحمد سعد
علياء بسيوني الست اللي ضحت في العلاقة دي لوحدها وجاهدت عشان تكمل فيها وأحمد اداها أكبر مقلب في العلاقة دي وشكرته عليه كمان هي كانت فاهمة إن ليها قيمة واحدة عمالة تبني وتضحي وتنازل عشان العلاقة تستمر بس هو خلى العلاقة دي في الآخر ولا تسوى.. وقالت في رسالة أخيرة ليه ربنا معايا أنا وبناتي في اللي جاي وينتقم منك ويديلك على قد كل حاجة حصلت.
أسرار الخناقة
اللي محدش يعرفه بقى إن أحمد سعد وعلياء بسيوني كان فيه بينهم وبين بعض مشاكل وعدم تفاهم في حاجات كتير وأحمد مكانش بيشيل المسؤولية في حاجات كتير وجه على بيته على حساب شغله وحفلاته وسهراته.. والانفصال ده كان هيحصل من فترة بس الأمور وقتها عدت.
لكن لما الصيف جه والشغل بدأ يكتر المشاكل رجعت من تاني وبقى أحمد سعد وعلياء بسيوني في خلاف مستمر بسبب إنه مش مهتم بمراته ولا بيته وعلشان كده علياء كلمته أكتر من مرة في الموضوع ده.. ورغم إن أحمد في الساحل وبنته تعبانة وسايبها ومسألش عنها.. علياء كلمته وهو مكانش مهتم بس الخناقة اللي حصلت بينهم قبل ما يسافر اتطورت وحصل الانفصال بقرار مفاجئ منه وكان في تسرع في اللي عمله وعلياء نفسها مش مصدقة إن بعد كل اللي عملته وإنها عاوز تعيش وعلاقتهم تبقى كويسة يعمل كده ويخلع عشان المسؤولية اللي المفروض يتحملها!.
علاقة سمية الخشاب
علاقة سمية الخشاب بقرار انفصال أحمد سعد وعلياء بسيوني غريب شوية والجمهور هو السبب في إنه يربط العلاقة دي ببعضها.. وده في تعليقاتهم على الانفصال عشان عارفين إن كان في خناقة بينهم وقتها واتهمته إنه اتسبب في إنها فقدت طحالها وقالوا كويس إن عليا خرجت بأعضائها كاملة ومفيش حاجة نقصت منها.. وفي اللي دعى ليها إن ربنا يعوض عليها.
تفتكروا في كواليس وأسرار تانية هتظهر الفترة الجاية في قرار الانفصال ده أو إن الاتنين يرجعوا لبعض وتكون أزمة بسيطة بينهم وتعدي؟.. اكتبولي آرائكم في التعليقات.
