حلت الفنانة أمل رزق، ضيفة برنامج “ستار تايمز” الذي يعرض على شاشة قناة LTC، وكشفت خلاله العديد من الأسرار الشخصية والتي كان من أبرزها إصابتها بالعمى لمدة 6 شهور.
وقالت أمل رزق، خلال لقائها: “في عام 2013 ربنا ابتلاني وكان عندي شوية صدمات وكنت بفكر كتير جدًا وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني”.
وأوضحت: “لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت، وده مكنش له أي أساس من الصحة مخلتهوش يعملي بطولات ومكنتش هقبل، وهو مكنش عايز ينتج ليا من الأساس”.
