علقت السيناريست إنجي علاء، على حالة الانقسام في الرأي داخل الوسط الفني، بين جانب قرر تأجيل بعض أعماله الفنية تضامنا مع الشعب الفلسطيني، وجانب آخر قرر مواصلة العمل بشكل طبيعي.
وكتبت إنجي علاء عبر حسابها الرسمي في موقع التواصل الاجتماعي فيسبوك: “انت كفنان مبدع ربنا انعم عليك بنعمة قدرها عظيم.. لو محترمتهاش محدش هيحترمك وهتبقى رخصت فنك ونفسك.. ومن سمو الفن انه مرآة لمشاعر المجتمع”.
وأضافت: “الفنان الحقيقي بيكون مهموم بهموم الناس.. حاسس بيهم.. بيعبر عنهم.. وعن الوجع اللي جواهم وحتى وهو بيرفه عنهم بيقدر يوصل رسالة تفيدهم وتأثر فيهم وهو بيرقق مشاعرهم”.
وتابعت: “الفنان الحقيقي بيحترم مهنته وبيحترم الموهبة اللي ربنا ادهاله وبيحترم نفسه وعارف قيمة فنه.. انا بريئة من العبث اللي بيحصل ده.. الفن أرقى من كده بكتير”.
وشهدت الساعات الماضية حالة من الجدل، بعد قيام الفنان بيومي فؤاد بمهاجمة الفنان محمد سلام في نهاية عرض مسرحية “زواج اصطناعي” بموسم الرياض قائلا: “من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي”.
