كشف والد سوزي الأردنية، تفاصيل القبض عليها بمنطقة شبرا مصر بالقاهرة، وذلك بتهمة نشر فيديوهات عبر مواقع التواصل الاجتماعي، تتعدى على القيم الأسرية المصرية.
قال والد سوزي الأردنية: أحد المحامين قدم بلاغا ضد بنتي بعد ظهور تريند “الشارع اللي وراه” واتهمها بالتعدي علي القيم الأسرية بعد ظهورها في بث مباشر على التيك توك وحصل مشادة بيني وبينها وقالت ليا “أه.. في الشارع اللي وراه” بعدها طلعت تريند والناس كانت بتهزر على الجملة دي.
وتابع: اتقبض على بنتي في منطقة شبرا مصر داخل أحد المطاعم، وأول مرة بنتي تتعرض لموقف زي كدا، ومن وقت ظهورها على التيك توك من سنتين ونص لحد دلوقتي مصدرش منها موقف مخالف، وأنا مسامحها على اللي حصل.
وأضاف والد سوزي الأردنية: وبخصوص تريند “آه.. في الشارع اللي وراه” كان بيني وبين بنتي مشاكل وهي كانت بتكلمني وقت ما كانت فاتحة لايف، وأنا رديت عليها قولتلها هعمل ليكي محضر فبنتي سوزي ردت عليا بالجملة المتداولة على السوشيال ميديا.
وأشار والد سوزي الأردنية: رد فعلي وقتها كا غلط، أنا عارف إنها تعبانة نفسيا وحالتها وحشة وكان لازم أطبطب عليها زي أي أب في الدنيا مع بنته وأنا مسامحها.
اقرأ أيضًا: أول ظهور علني لحفيدة سلطان الطرب جورج وسوف
