أعربت الفنانة بدرية طلبة عن استيائها من كثرة طلبات المساعدات التي تتلقاها، معتذرة عن عدم قدرتها على تلبية بعضها.
وكتبت بدرية طلبة عبر حسابها الرسمي على موقع فيسبوك ، “أنا ولله الحمد ربنا مراضيني وعندى مكان خاص بيا للمساعدات وبساعد لكن الرسايل اللي بتجيلي من فترة معظمها لناس سقف طموحهم عالي قوي مثلا لتسديد مصروفات مدرسة إنترناشيونال”.
“اسفة مش هقدر على ده”.. بدرية طُلبة تكشف أغرب طلب من الجمهور
واستكملت: تمن بيت تشتريه علشان تعبت من العيشة مع أهل جوزها ! واللي عايز عربية من المعرض كاش يشتغل عليها علشان مش حابب يشتغل علي عربية حد ومش بيحب التقسيط ! واللي بتربي حيوانات وعايزانى اساعدها في علاجهم واكلهم وشربهم ! واللي سالفة ٣٠٠ الف من جارتها وخايفة جوزها يعرف !!! معلش أنا أخري المساعدات المتعارف عليها لكن مساعدات من النوع دا (أسفة).
وفي وقت سابق، كشفت الفنانة بدرية طلبة عن تفاصيل خضوعها لإجراءات تجميلية.
قالت: “البنات كلهم بقت شبه بعض، أنا بشفتر آه بس بشفتر بالغالي، أصل أنا معنديش شفايف، أنا عاملة شفايف على ايدي، أنا معنديش اللي هو شرطة، عارف فتحة الموس، ونفسي احط روج زي بقيت الناس والروج بيان، رحت للدكتور، عايزة شفايف، مناخيري تمام حلوة، كل حاجة فيّ تمام”.
وأضافت:” عملت بوتوكس عشان الخطوط، أنا عندي 56 سنة ده أنا مكرمشة كرمشات ما يعلم بيها إلا ربنا، بس عملت حاجة غبية أوي في نفسي، عملت دعاية وريفيوهات لعيادات التجميل، بيطلبوني تعالي ونعمل كذا وأنا أروح وأعمل، فجأة لقيت وشي شبه الكورة لقيتي نفسي في التلفزيون شبه القلقاسة وشي بقى قلقاسة وعندي عين اتفتحت وعين اتقفلت.”
اقرأ ايضا:
