الفنان محمد فؤاد عمل حفلة في السعودية قلب بيها الدنيا وجعل الناس كلها تتكلم عنه وتصدر التريند، يا ترى أخذ زوجته وأولاده معه لكي يغيروا جو، الجمهور نفسه يعرف أي معلومة عن زوجة محمد فؤاد أبنائه.
لأنه دايماً عامل سور حواليهم محدش بيخترقه وظهورهم قليل جداً، وعشان كده في الفيديو ده هقولكم مين هي مرات محمد فؤاد اللي سابها سنة كاملة ورجع يدور عليها من تاني، وإيه قصة حبهم وإزاي الكعبة اللي هو قريب منها دلوقتي كانت شاهدة على كل حاجة.
محمد فؤاد عبدالحميد حسن شافعي، اتولد في الإسماعيلية يوم 20 ديسمبر سنة 1961، يعني عدى الستين ولسه بيحقق نجومية كبيرة وده الطبيعي لنجم زيه ظهر على الساحة الفنية من التمانينات لحد ما بقى لقبه ابن البلد، واتربى في حي عين شمس يعني منطقة شعبية وده أثر عليه في نشأته، ليه 10 أخوات ما بين ولاد وبنات وكان بيحب الغنا من صغره ونشأ على صوت عبدالحليم حافظ، وفريد الأطرش وأم كلثوم، ولما نقل من عين شمس مع أسرته بردوا كان في أحياء القاهرة الشعبية وبقت شخصية محمد فؤاد بعد كده متأصلة يعني صاحب صاحبه.
قلبه دق
في يوم من الأيام محمد فؤاد شاف ست الحسن والجمال اللي بيتمناها وربنا كرمه واتجوزها وده بعد قصة حب بينه وبين الفنانة صابرين انتهت بالفشل وخطوبتهم مكملتش، وقتها ركز فؤش في شغله ومستقبله وفي مرة راح عشان يغني في فرح واحد صاحبه من منطقته والفرح كان في قاعة شاف فيها حبيبته اللي متجوزها دلوقتي وبقت مراته وهي مروة حنفي، هو معملش حاجة يومها غير إنه ارتبك، واللي متوقع إنه يتعرف عليها ويروح يخطبها من بيت أبوها بس ده محصلش.
فرصة متتفوتش
ولما محمد فؤاد عينه وقعت على حبيبته لقتها رقيقة وجذابة ونسى اللي موجودين في الفرح وبعدها بقى نسيها هي كمان وسابها سنة كاملة لا يعرفها ولا تعرفه، وفي الفترة دي راح زار الكعبة وطلب من ربنا زوجة صالحة وفي ظرف 3 شهور واحد صاحبه برده من نفس المنطقة كان بيعمل فرحه وقاله يروح يغني ووقتها شافها تاني لأ بقى دي وراها حاجة، المهم دي طلعت معرفة قديمة ومن منطقته اللي اتربى فيها بردوا، ولما شافها المرة دي بقى مفوتش الفرصة ولما خلص الفرح راح يلحقها وقالها “بابا فين؟” وقتها وشها جاب ألوان من كسوفها وطلعت تجرب من قدامه.
ظهور نادر
محمد فؤاد اتعرف على مراته سنة 1993 واحتفل بزفافها عليها سنة 1995 ومن وقتها مروة حنفي مختفية عن الأنظار ومحمد فؤاد فارض السرية على حياتهم لحد ما ظهروا في صور مع بعض ومعاهم ولادهم التلاتة وهما في زيارة للفنانة الراحلة ماجدة الصباحي، ووقتها مرات محمد فؤاد لهفت الأضواء لصالحها والجمهور قعد يتغزل في جمالها بعد ما ظهرت بالحجاب وطبعاً الجمهور معداش اللحظة دي وقال إنها شبه صابرين خطيبة محمد فؤاد الأولانية.
