جميعنا يعرف طبيعة برامج رامز جلال والمقالب التي يقوم بها كل عام ويكن ضحيتها أصدقائه من المشاهير والوسط الفني، ولكن ماحدث مع الفنان محمد فؤاد أزعج الجمهور كثيرا، وذلك بعد إصابته خلال الحلقة ولكن المفاجأة أن الإصابة لم تؤثر على عملية التكميم التي كان قد خضع لها الفنان، ولكنها إصابة أخرى، تابعونا لمعرفة التفاصيل:
الغسالة وسنينها
كلنا شوفنا الفنان محمد فؤاد لما كان ضيف رامز جلال واتمخمض في الغسالة لما كان بيقع في المقلب وطبعاً فؤش كام مستسلم تماماً لا هو قادر يقف على رجله ويلف معاها ولا هو مستحمل قلة التنفس في المكان وده طبعاً وهو عامل عملية تكميم معدة.
وكلنا اتفاجئنا لما لقينا مكان الجرح فتح تاني وهو في المقلب وكمان طلبوله الإسعاف وقال رامز إن دي كانت من أصعب الحلقات اللي عملها في البرنامج، وبمجرد ما شاف فؤاد بالطريقة دي اتخض جداً ووقف هزار وإحنا كنت شايفين فؤش وهو خاسس كتير بس مكانش قال إنه عمل عملية وتقريباً كده عيننا صابته، بس إيه اللي حصله تاني؟.
أزمة محمد فؤاد الصحية
وكشف محمد فؤاد تفاصيل حالته الصحية، وقال في لقاء ليه إن الناس افتكرت إنه حصله أذى، لكن مفيش حاجة وحصل خير لكن ده كان مؤشر مميز عشان يعرف إن فيه كمية الناس زي دول بيحبوه وإن الناس اتضايقت من المقلب خوفًا عليه ويارب يكون يستاهل ربع اهتمام الجمهور ده.
وأكد إن مفيش تأثير حصله على عملية تكميم المعدة اللي خضع لها مؤخرًا بسبب المقلب، وإن الموضوع مش مستاهل قضية ولا حاجة، واستغرب من موضوع القضية فقال: قضية إيه بس؟!، بس بردوا ليه سافر ألمانيا 4 مرات عشان يتعالج.
ليه سافر ألمانيا؟
محمد فؤاد قال إنه قبل ما يقع في مقلب رامز جلال كان ضهره واجعه جداً والغسالة اللي كان بيتقلب جواها اتخبطت في ضهري بقت مخلياه من بعد البرنامج بيسافر ألمانيا عشان ياخد فيه حقنة، ده كمان هيسافر بعد يومين على ألمانيا للمرة الرابعة عشان ياخد حقنة تاني ويكمل علاج ضهره زي ما صرح.
تعليق طبيب محمد فؤاد
والطبيب أسامة ياسين هاجم رامز جلال في منشور ليه على فيسبوك وقال إزاي يكمل رامز البرنامج وهو عارف في أول 5 دقايق إن محمد فؤاد عامل عملية تكميم معدة ووصف اللي حصل إنه جريمة شنعاء وتدني أخلاق وعدم مسؤولية وفؤش مش سعيد باللي حصل وده فوضى عارمة لحقوق المرضى في التعافي.
