بعد الفرح بشهرين وبعد ما سجدت له أمام كل الناس، زوجة حسن شاكوش تتهمه بالسرقة وتقول إنه أخذ شبكتها وطردها من البيت، وليس الشبكة فقط بل أنه أخذ وصل ـمتنة، تابعونا لمعرفة التفاصيل:
حسن شاكوش وزوجته ريم من اول جوازهم خالص وحياتهم مش مظبوطة، مره يطلعوا على التلفزيون والزوجة تكتشف أنه بيخونها فا تطلب الطلاق والمرة التانية دلوقتى لما راحت لمركز الشرطة وقالت أنه طردها من البيت وسرق دهبها وكل ما تملك حتى وصل أمانه كان بمبلغ كبير كان معاها، الكل سرقة حسن شاكوش.
المواقع الإخبارية المختلفة ومنها موقع مصراوى بيقول ان ريم طارق زوجة حسن شاكوش راحت لمأمور قسم أول أكتوبر وبلغت عن حسن وقالت أنه سرقها، سرق دهبها وممتلكاتها اللى كانت في شقتها في أكتوبر وكمان سرق وصل أمانة بمبلغ كبير كان معاها، وضيف على ده كله أنه طردها من البيت اللى كانوا ساكنين فيه، يعنى من الأخر كده قلها مع السلامه.
الكل بيسأل دلوقتى وصل الأمانة ده فيه إيه ؟ وليه حسن شاكوش عمل فيها كده ؟ ..والحقيقة أن الإجابة على السؤال سهل، معروف وهى جاوبت عنه قدام مأمور قسم أول أكتوبر، أما الأجابه على السؤال التانى فا هنحاول نعرفه مع بعض :
دلوقتى نجاوب على السؤال الأول، وصل الأمانه فيه أيه ؟ .. اتضح أن وصل الأمانة ده فيه رقم بمبلغ كبير كان ماضيه حسن شاكوش على نفسه لمراته كمؤخر صداق يعنى، وهو اخده عشان مش عايز يدفع.
سبب تأخر البلاغ
الغريب أن ريم طارق زوجة حسن شاكوش بتقول ان اللى حصل فيها ده حصلى من بدرى يعنى مش من النهارده ولا امبارح ده من فتره، وهي ما بلغتش وقتها عشان كانت عايزة تتصالح معاه، وعلى حسب كلامها حاولت اكتر من مره تتصالح وهو رفضها وما سألش فيها نهائي لا هي ولا في أهلها، وعشان كده هي راحت النهاردة قسم أول أكتوبر وبلغت في حسن شاكوش وعايزة الحكومة هي اللى تجيب لها حقها، وبالفعل الحكومة شغاله أنها تجيب لها حقها.
الزوجة عملت المحضر في قسم أول أكتوبر والمحضر دلوقتى اتحرك وراح لحكمدار الجيزة ومن عنده هيروح على النيابة للتحقيق فيه، أن ظهر وتم التأكد من كلامها فعلا وقتها هاتاخد حقها تالت ومتلت عن طريق القانون، ويكون حسن شاكوش عبرة لأى راجل تانى يحاول يعمل زيه ويسرق ممتلكات مراته ويطردها من بيتهم ويقل من قيمتها قدام الناس.
أظن دلوقتى جه الدور نعرف ليه أصلا عمل حسن شاكوش فيها كده ؟ .. وتقريبا فيه خلافات بينهم من وقت ماطلعوا على التليفزيون في حلقة ” العرافة” واللى وفيها فؤجت ريم زوجه حسن شاكوش أنه أصلا متجوز عليها وعنده فيلا في التجمع الخامس ومخبى عليها حاجات كتير.
لحد هنا ونقول نقلنا ليكم كل المعلومات المتاحة عن خناقة حسن شاكوش وزوجته، و التوقع الأقرب لسبب الخلاف بينهم، فا لو حد فيكم عنده توقع تانى يكتبه في التعليقات، وكمان قولوا رايكم في علاقتهم من البداية لحد النهاردة.
