دافعت ريم طارق، طليقة حسن شاكوش، عن المغني عصام صاصا الذي يواجدأزمة هذه الفترة بسبب دهسه شخصًا على أحد الطُرق السريعة عن طريق الخطأ.
ونشرت ريم طارق، عبر حسابها بـ«إنستجرام» ستوري تدافع بها عن المغني، إذ قالت فيها: «الحاجات اللي بتحصل الأيام دي، نتعلم نقول يا رب أكفينا شر المستخبي، ومفيش حد كبير على الغلطط».
مقالات أخرى قد تهمك
“انكشف السر”.. سبب ظهور لقاء سويدان بفستان الزفاف
20 بلوك و100 فضيحة.. رامى صبرى يثير الجدل بتعليق غامض
وتابعت متحدثةً عن أزمة عصام صاصا: «لا اللي اتوفى كان قصده يرمي نفسه قدام عربية، واللي خبطه أكيد مكانش قصده يموت بني آدام ويشيل ذنبه وهو شاب عنده 24 سنة، وتبعان نفسيا ومبينزلش من البيت وعمال يعيط ومبينامش، وبيعملوا معاه كل حاجة، وهو خلاص بقا مريض نفسيًا».
حادث عصام صاصا
وقالت: «شاب عنده 24 سنة فجأة اتسبب إنه قتل واحد، حرام مش نحس بالناس دي شوية، ناس بقا عندها جرح، ومهما قولت ومهما أهل المتوفي حد جابلهم نجمة من السما، هايفضل عندهم جرح، ولكن دا قضاء ربنا، وأنا مش بقلل أبدًا من دم بني آدام، وأنا مش مع حد».
وأكملت: «ولكن يا ريت كل الناس تبطل تتكلم في الموضوع، لأن الكل بقا تعبان، وعصام عايز الأرض تتشق وتبلعه، وهو مش مستوعب إن هو مش شايلذنب ولا إندي حادثة على الطريق، وهو كل يوم بيموت، وهو لو طال يجبلكم نجمة من السما يعملها، وهو أكيد حاسس بالذنب لأنه بني آدام».
ريم طارق تدعم عصام صاصا: «معتبراه من أهلي»
وأضافت: «يا ريت نطبطب على قلب الناس شويةوربنا يصبر أهل المتوفي، ويربط على قلبهم، وأنا معتبرة إن الشخصين من أهلي، بس بجد عصام مكانش يقصد ومكانش عايز حد يتكلم عنه، وهو مش عارف ينام، وصورة المتوفي مش بتبعد عن خياله».
واختتمت ريم طارق قائلةً: «و100 ألف حادثة بتحصل، ومحتاجين نهدي الشخص اللي بقا مريض نفسيًا، ومش عارف يعيش وشايل شيلة أكبر من شيلته بكتير، ربنا يخرج الإتنين من المصيبة اللي هم فيها على خير، وربنا يصلح حال الجميع، وربنا ميكتبش على حد أبدًا يكون في موقف عصام، ولا إن هو يكون متوفي».
