كل يوم واثتاني خناقة جديدة في كواليس جعفر العمدة، والفنان محمد رمضان والمخرج محمد سامي فقدوا السيطرة على الموقف، بدأت بخناقة زينة مع محمد سامي مخرج المسلسل.. ووصلت لخناقة منة فضالي وإيمان العاصي مع أحمد داش.
إيه اللي حصل. وايه حكاية الخلاف والخناقة بينهم؟، كل ده وأكتر هنعرفه في التقرير التالي:
من كام يوم اكتشفنا خلاف زينة مع أبطال مسلسل جعفر العمدة، واللي كان بسبب ترتيب اسمها على تتر المسلسل، وكمان اكتشفنا إن أبطال المسلسل محدش فيهم طايق التاني، ويدوب لسه بنشم نفسنا من أول خلاف، اكتشفنا مشكلة منة فضالي وأحمد داش.
منة فضالي وفضايح الكواليس
الفنانة منة فضالي بدأت تظهر من كام يوم في البرامج التلفزيونية، وبتختفل بدورها في مسلسل جعفر العمدة وكمان بتفضح اللي حصل ورا الكواليس، واهو منها تلم قرشين عشان تعرف تستعد لأجازتها بره مصر.
الفنانة منة فضالي قالت أسرار كتير جدا عن كواليس المسلسل، وإن أهم مشكلة كانت ترتيب أسامي الأبطال على التتر.. واللي كانت مشكلة كبيرة بالنسبة ليها، أينعم هي تغاضت عنها فيما بعد لكن كان خلاف أثناء التصوير، وكان وجود أحمد داش والي وصفته منة فضالي بإنهم كلهم شايفينه لسه عيل صغير بالنسبة ليهم، وإن لا سن ولا تاريخ ينفع يكون فيه خلافات بسببه.
اتفاجئت باسم احمد داش
منة فضالي بتقول إنها اتفاجئت بوجود اسم أحمد داش في تتر المسلسل قبل اسمها، وكمان كانت صدمة ليها لما عرفت إن ده شرط من شروط عقد أحمد داش، دي كمان قالت هي بالخبرة بتاعتها دي كلها متعرفش تعمل خطوة زي دي، يمكن لو كان حد كبير شوية في السن مكانتش هتعترض ولا كان أي حد هيعترض.
يمكن قالت في حقه كلام حلو كتير، ومدحت أد إيه هو ممثل هايل ومتقدرش تغلك فيه، بالعكس هي بتحب تمثيله جدا، بس كل فريق العمل كان متفاجيء ان اسمه مكتوب الأول.
المهم نجاح المسلسل
منة قالت خلاص رغم زعلها لكن المهم هو نجاح المسلسل والصدى اللي محققه.. وحتى محمد سامي مش هيقدر يعمل حاجة في القصة دي لإنها مع الشركة المنتجة.
لكن الظاهر أن كلام منة فضالي كان مجاملة عشان تعدي الموقف.. لأن الأخبار اللي بدأت تنتشر من كواليس المسلسل أن حصلت خناقة كبيرة في اللوكيشن بين منة فضالي وإيمان العاصي مع محمد رمضان ومحمد سامي بسبب أنهم أقدم من أحمد داش بسنين كتيرة إزاي يتحط اسمه قدامهم.. الخناقة وصلت أن إيمان العاصي اعترضت وزعلت وكانت هتسيب تصوير المسلسل ومش هتكمله، واتهمومهم أنهم بيجاملوا الشاب الصغير أحمد داش عليهم.
الصادم هو تصرف محمد سامي اللي قال إنه مش هيغير حاجة وأن القرار خرج من إيده أصلا.
مش الخلاف الأول
ده مكانش أول خلاف في مسلسل جعفر العمدة، كمان الفنانة زينة كمان قاطعت المسلسل ومنشرتش أي حاجة عنه، ورفضت تحضر السحور الجماعي، الكل مطنشها وهي زعلانة جدا، زينة حتى معلقتش على أول مشهد ليها في المسلسل، ولا حتى على جواز عايدة واللي هو دورها في مسلسل جعفر العمدة، وده اللي أكد إن الكلام صح، ومش بس كده ده كمان قبل بداية رمضان الكل شارك البوستر الرسمي للمسلسل إلا زينة.
زينة زعلانة
زينة كانت زعلانة إن اسمها مكنش موجود في الحملة الترويجية للمسلسل واللي انتشرت في شوارع مصر.
محمد رمضان مقدرش يحتوي الموقف
محمد رمضان مقدرش يحتوى الخلاف بين زينة والمخرج محمد سامي، بس كان من الواضح إن الكفة مالت ناحية سامي، وطنش زينة وحضر السحور عادي، وكمان نزل صوره مع كل اللي موجودين، بعكس زينة واللي الكل قال إنها كانت حريصة جدا طول فترة التصوير إنها تقعد لوحدها، والناس كلها إنها مكنتش راضية عن محمد سامي.
