حالة من الجدل الواسع أثارها الفنان أحمد آدم الساعات الماضية، خلال برنامجه آدم شو المذاع على شاشة قناة الحياة، حيث قرر أن يستعرض من خلالها ظاهرة التريند من خلال مثال الفنان تامر حسني.
وقال أحمد آدم: «تعالوا نلعب لعبة، ونقدم مقطعين فيديو واحد إيجابي وواحد سلبي، ونشوف أي تريند اللي هينتشر وأراهنكم دلوقتي أن السلبي هينتشر».
«بيسبّل للبنات».. أحمد آدم يهاجم تامر حسني على الملأ
وبدأ بالتريند الإيجابي قائلا: «تامر حسني أول ما طلع قلنا يومين وهيخلص لكن هو بيعمل يعظمة، بيقدم أغاني مكسرة الدنيا، وأفلامه مكسرة الدنيا وبيعرف يفكر ويطور من نفسه، وبيخرج ويمثل ويكتب سيناريو، وبيفكرني بأنور وجدي».
ثم انتقل إلى التريند السلبي قائلا: “تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات.”
وأضاف: “بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا”.
وأكمل: “وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا.”
من جانبه، رد عليه تامر حسني قائلا: «أستاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وامانتهم لمجرد أن الناس تعرفهم أو تتكلم عليهم ولو ليوم واحد ونسيوا انه لا يصح إلا الصحيح عشان ده عدل ربنا».
وأضاف: «تابعوا قلوب الناس والمواقع اللي هتاخد كلام احمد آدم السلبي وينشروه وعلموا عليهم عشان تعرفوا حقيقتهم والحقيقة أن فعلًا الكلام السلبي هو اللي انتشر، شكرًا استاذ احمد آدم لكلامك واشادتك الحقيقية في حقي هي شهادة عظيمة من فنان محترم وكبير بفنه واخلاقه».
