تداول رواد مواقع التواصل الاجتماعي، مقطع فيديو لمشهد من مسلسل جعفر العمدة الحلقة 19، يظهر خلاله «جعفر» و«شوقي فتح الله» في أول مواجهة من خلف القضبان ويدور بينهما حديثًا يقول فيه «شوقي» لـ«جعفر»: «أنا عايزك تتعدم وأنت قلبك مستريح.. طول عمرك شاكك إن احنا اللي عملنا كده».
كما تفاعل جمهور المسلسل مع الأحداث مع نهاية الحلقة السابقة، إذ كتب أحدهم: «الناس اللي مش عارفة تنام من القلق على جعفر.. جالنا خبر دلوقتي من المطار أنّهم راجعوا الكاميرات وعرفوا الواد اللي حطله البودرة».
فيما وضع أحد المتابعين سيناريو لـ مسلسل جعفر العمدة الحلقة 19 قائلًا: «جعفر العمدة مش هيتسجن زي ما الناس بتقول، النهاردة شوقي فتح الله هيحب يعمل نمرة تاني على أساس إن جعفر خلاص اتحبس ويأكد عى أنّه خلاص بقى كبير السيدة زينب بس جعفر العمدة هيظهر في الوقت المناسب وهيوريك مين كبير السيدة يا شوقي».
أما أحد المتابعين علق على الأحداث قائلًا: «المهم إن حق سيد ونعيم يرجع وجعفر يخرج من المصيبة اللي اتحط فيها لأني قاعد دمي محروق وعايز أرزع الواد كارم ده 100 قلم هو وأمه».
مواعيد عرض مسلسل جعفر العمدة
ويُعرض مسلسل جعفر العمدة عبر شبكة قنوات «DMC» يوميًا طوال شهر رمضان، في تمام الساعة العاشرة والربع مساءً، فيما تُقدم «DMC» لجمهورها، إمكانية مُشاهدته في الوقت المُناسب لكل واحدٍ منهم، حيث سيُعاد مرتين متتاليتين، المرة الأولى عبر شبكة تليفزيون DMC، الساعة 5 صباحًا، والثانية في تمام الساعة الـ9:45 صباحًا، بالإضافة إلى منصة «Watch IT».
