حرص الفنان محمد فراج، على دعم داليا شوقي، شقيقة زوجته الفنانة بسنت شوقي، بحضوره معها في العرض الخاص لـ فيلم “5 جولات”.
وقال فراج: “احنا كلنا فخورين بداليا وكل العائلة جت النهاردة العرض الخاص لفيلم “5 جولات”، علشان ندعمها و الفن الأساسي هو الدعم ولازم الصغير يدعم الكبير.”
تصرف مفاجئ من محمد فراج تجاه شقيقة بسنت شوقي
وفي وقت سابق، علق الفنان محمد فراج، على شائعات انفصاله عن زوجته الفنانة بسنت شوقي خلال الفترة الماضية، وذلك خلال لقائه في برنامج ET بالعربي.
وقال محمد فراج : “لا حول ولا قوة إلا بالله.. أنا مبردش خالص إلا لو موضوع يستاهل الرد أو حاجة بتخليني لازم أتحرك من مكاني.”
وتابع فراج: “أنا من بني آدمين اللى مبحبش أو مش فارق معايا مين عمل أو كتب إيه.. حاجة متخصنيش ومش لازم أعرفها طب حتى لو عرفتها عملت بيها حاجة لأ لكن ده ممكن يخليني أتاذي نفسيًا واللي عايز يتكلم براحته.”
وكانت انتشرت أنباء عبر مواقعة التواصل الاجتماعي حول انفصال الفنان محمد فراج عن زوجته بسنت شوقي، خاصًة لعدم ظهورهما سويًا مجددًا بعد مقلب رامز نيفر إند.
وخرج فراج لينفي تلك الأنباء بشكل غير مباشر، حيث نشر صورة لزوجته بسنت شوقي عبر خاصية استوري على حسابه الرسمي بموقع تبادل الصور والفيديوهات القصيرة إنستجرام.
