تفاصيل المكالمة السرية بين حنان ترك ومنة شلبي ونصيحتها لها في أزمتها الأخيرة

هما الاثنين من أجمل النجمات اللاتي مروا على الفن المصري، الاثنين تقريبا ظهروا في وقت واحد، ولكن واحدة منهم أكملت والثانية اعتزلت، وهما الاتنين كان في صداقة كبيرة بتجمعم، لكن الأيام بعدتهم  عن بعض لكن فضل الود موجود.. هما مين؟ حنان ترك ومنة شلبي

الفنانة حنان ترك ومنة شلبي في بينهم علاقة صداقة جمعتهم بشكل خاص، وكمان جمعتهم خلال الأعمال الفنية، يعني هما الاتنين اشتركوا مع بعض في 3 أفلام وهي «أحلى الأوقات» و«العاصفة» و«الحياة منتهى اللذة»، يمكن حنان ترك بدأت بدري شوية عن منة شلبي، ولكن بعد كدة الاتنين بقوا نجمات كبار.

حنان ترك رغم اعتزالها المبكر إلا إنها سابت إرث فني كبير، وقررت سنة 2006 تلبس الحجاب، وسنة 2012 اعتزلت وقررت تسيب الوسط الفني كله، ومن ساعتها مرجعتش تاني، ولكن على الوجه الآخر كانت منة شلبي بتعيش نجاحات كبيرة، وفظلت مكملة فيها لحد دلوقتي.

الفنانة حنان ترك اتولدت في القاهرة سنة 1975، درست في معهد الباليه، ورقصت باليه لفترة طويلة قبل دخولها مجال التمثيل، لما رشحها خيري بشارة عشان تشارك في فيلم «رغبة متوحشة» سنة 1993 عشان يكون أولى بطولاتها السينمائة، وبعدها انطلقت مسيرتها الفنية.

أما منة شلبي اتولدت في الجيزة، وبدأت مسيرتها في التمثيل سنة 2000 من خلال مسلسل «سلمى يا سلامة» مع سميحة أيوب، واشتركت بعدها في أفلام شبابية، لحد ما وصلت لدورها في فسلم «الساحر»، واللي فتحلها باب الشهرة ومن بعده فيلم «بحب السيما» مع الفنانة ليلى علوي، ومن بعد كدة كانت الانطلاقة.

اعتزال حنان ترك كان في عز نجاحها الفني، ولكن هي قالت إن دي كانت خطوة بتتمناها من ربنا، وكان مسلسل «الأخت تريزا» آخر أعمالها، عشان تنهي الصراع الداخلي اللي بتعيشه، ومن بعدها قالت إنها حست بالراحة في الاعتزال لأنه “في النهاية لا يصح إلا الصحيح”.

آخر ظهور معلن جمعهم كان من خلال تغريدة لمنة شلبي على «تويتر» لما نشرت صورة ليها مع حنان ترك وكتبت عليها: «وحشتيني أوي ودائمًا في القلب يا حب»، عشان ترد عليها لترد عليها حنان ترك وتقول «حبيبتي يا مانجو وحشتيني.. ربنا يباركلك في ماما وفي صحتك ويسعد قلبك»، ورجعت منة شلبي ردت تاني وقالت: «وميحرمنيش من أنقى وأجدع وأنضف صاحبة وأخت».

وخلال الأيام اللي فاتت اتعرضت الفنانة منة شلبي لأزمة مشهورة طبعا، بخصوص ضبط مواد ممنوعة معاها بعد رجوعها من أمريكا، واللي اتحولت قضية، وانتهت خلال الأيام اللي فاتت بالحكم عليها بسنة سجن مع إيقاف التنفيذ، وغرامة 10 آلاف جنيه.

ويمكن العلاقة بين منة شلبي وحنان ترك مبقتش قريبة زي الأول، بحكم ابتعاد ترك عن المجال، ولكن مازال الود موجود، وعرفنا من مصادنا إن حنان ترك اتصلت بمنة سلبي في التليفون بعد الأزمة الأخيرة، وكمان لما عرفت إن والدتها عيانة وعندها ألزهايمر ونصحتها تاخد بالها من نفسها ومن مامتها خلال الفترة الجاية.