خلال الفترة الماضية أثارت برلتني عامر طليقة المطرب سعد الصغير حالة كبيرة من الجدل بعد القبض عليها وهي ليست في واعيها وخناقتها مع الشرطة.
لكن يبدوا أن الأزمات مش هتخلص عشان يصدم جوزها سعد الصغير شخصين بسيارته القارهة في الجيزة.. إيه الحكاية؟ وإيه قصة أنه مكنش في واعيه؟ وإيه حالته الصحية بعد نقله للمستشفى؟.. تفاصيل كتيرة نكشفها في الفيديو ده.
خلال الساعات اللي فاتت انتشر خبر عن أن المطرب الشعبي سعد الصغير صدم شخصين بسيارته الفارهة في الجيزة، بدون ما يكون في واعيه، بعد ما تلقى مسؤول غرفة عمليات إدارة المرور إشارة من عمليات شرطة النجدة بوقوع حادث ووجود مصابين.
على انتقلت الخدمات الأمنية والمرورية إلى محل البلاغ تحت إشراف اللواء محمد الشرقاوي مدير مباحث الجيزة، وتبين أن سيارة ملاكي الفارهة كانت قيادة المطرب الشعبي سعد الصغير اصطدمت بشخصين مما أسفر عن إصابتهما.
مش بس كده لكن كمان مصدر مسؤول أكد استقرار الحالة الصحية للمطرب الشعبي دون نقله المستشفى، وأنه تم نقل المصابين إلى مستشفى الهرم لتلقي العلاج اللازم.
لكن مصدر أمني كشف عن تفاصيل في هوية الشخصية اللي صدمهم سعد الصغير واللي طلعت مراته وصحبتها.
طيب إيه اللي حصل؟
المصدر قال إن طليقة سعد الصغير أخدت صاحبتها وراحوا عند سعد الصغير في منطقة حدائق الأهرام ووجدوا سعد هناك قبل أن يتحرك بسياراته فقاموا بالدخول في مشادة معه بسبب أن طليقته برلتني عامر بتطالبه بفلوس كتير.. وتحول الأمر إلى خناقة شوارع قدام كل الناس لدرجة أنها خطف جواز السفر بتاع سعد من داخل سيارته ومزقته قدامه في الشارع.
مش بس كده لكن الخناقة وصلت أن طليقته مزقت له ملابسه وسط الشارع للمطالبة بحقوقها وأخذت سيارتها وحاولت الهروب مع صحابتها، وده اللي خلى سعد الصغير يركب عربيته ويجري وراهم عشان يلحقهم.. لكن فجأة توقفت عربية برلنتي عشان يصطدم بيهم سعد الصغير ويتنقلوا التلاتة للمستشفى بسبب الإصابات اللي حصلت فيهم.
المرة دي مش الأولى لبرلنتي عامر طليقة سعد الصغير لأنه من حوالي شهر لما كانت لسه مراته اتقبض عليه وهي كانت خارجة من ملهى ليلي سكرانة، واتعدت بالسب على دورية أمنية في شارع الهرم وغالبا كده حسب مصادر فهي وجهت كلمات قاسية وشتايم لظابط شرطة، وتم القبض عليها وبعد التحقيق معها خرجت إخلاء سبيل بكفالة عشان تدخل في خناقة مع سعد بعد ما طلقها بسبب الواقعة دي.
والسنة اللي فاتت اتقبض على برلنتي برضو بتهمة السب والقذف، بعد ما تقدمت بنت بلاغ ضدها بتتهمها بالسب والضرب في محل لبس في حدايق الاهرام، ولما البنت اتعرضت على الكشف الطبي، ظهر إنها اتصابت بكدمات في راسها، وفي دراعها اليمين، عشان تستمر عمايل سعد الصغير وطليقته.
