الناس كلها كانت تنتظر إن أول حلقة في برنامج رامز جلال هذا العام، تكون قوية وفيها فكرة،خصوصا لما عرفوا إن، أول حلقة من برنامج رامز جلال كان فيها كثير من التشويق دوت جدوى، سيكون الإعلامي شريف عامر، لا سيكون محمد رمضان، رغم إنه نفى قبل هذا لكنه ظهر في حلقة غريبة.
رامز جلال اللي بيعمل في ضيوفه مقلبين السنة دي.. اختار أضعف مقلب فيه وعمله مع نمبر وان.. ورغم إنه قال إنه جاي ياخد منه بتار بقاله 10 سنين .. أيام ما كانت لسه نفر بيدور على مكان له وسط النجوم.
وقع محمد رمضان ضحية مقلب ضعيف جدا.. رايح يفتتح مطعم تركي في السعودية.. فجأة يجي له شيف من حيث لا يدري.. يرمي في وشه تورتايا.. وعشان يهرب من التور الهايج.. اللي هو أصلا ملحقش يفك من ربطته حتى.. دخلوه غرفة متحركة
مش منطقي إن المقلب يكون إن محمد رمضان ورامز يدخلوا سوا كام دقيقة أوضة دوارة.. ويفضلوا يتشقلبوا يمين وشمال وفوق وتحت.. ونضارة محمد رمضان ثابته على وضعها متتهزش.
الناس مقتنعتش بالمقلب.. ومضحكتش لإنه مفيهوش أي إيفيهات.. والمعلومة الوحيدة اللي طلعنا بيها إن نمبر وان عنده 16 عربية ومعندوش طيارات خاصة
قلنا خلاص بقى نقلب نشوف الكبير ومربوحة محضرين لنا ضحك ايه السنة دي.. طلعوا مش محضرين حاجة.. هي هي نفس الإيفيهات.. هي هي نفس طريقة الكلام والمواقف المش كوميدية ما بينهم.. وزيادة عليهم بقى إن مربوحة صوتها بقى عالي.. والناس صدعت منها شوية.
الحاجة الوحيدة اللي طرت على قلب الجمهور.. هي فقرة فرح لورديانا والكبير.. اللي دخلت السرور على قلب الصايمين والله.. فكرة إن لورديانا حبيبة الملايين تيجي المزاريطة لوحدها جهنمية.
مكنش في الحلقة إلا شوية الإيفيهات اللي قالتهم مربوحة.. إن المقارنة بينها وبين لورديانا ظالمة.. وإنه يا بخت الكبير بيها.. وشوية كلام من هنا وهنا عشان المشهد يعدي على خير.
أما باقي شخصيات العمل زي ما هما.. هدرس مسيطر على الكوميديا لوحده.. بيساعده شوية جوني.. إنما العيال العترة وجوني جونيور مفيش منهم أي أمل.. يمكن السنة اللي فاتت كان وجودهم كوميدي شوية لكن مبقاش ظريف الموضوع
الناس على السوشيال ميديا محبطة من الكبير ومن رامز.. وعمالين يقولوا طالما هتدونا كل سنة جزء جديد.. يبقى في فكرة جديدة وإيفيهات جديدة.. واحنا كده كده هنتفرج عشان انتوا حبايبنا يعني.. بس روقوا علينا.
هنشوف الأيام الجاية الحلقات دي هتبقى أحسن والمقلب هيبقى مقلب بجد ولا هنتضايق أكتر.. والكبير ومربوحة هيحلوا مشاكلهم الزوجية ولا في جوازة تانية
