تحدثت المطربة مي فاروق، لأول مرة عن الأخبار التي انتشرت بعد خطوبتها هي ومحمد العمروسي، وتفيد بأنها أكبر منه في العمر، وذلك خلال لقائها في برنامج et بالعربي.
وقالت مي فاروق: معملناش حاجة غير إننا أعلنا للناس إننا ارتبطنا، فجأة وأنا قاعدة في البيت وبشوف الأخبار اللي بتتكتب، وكلها مش صح حسيت أن أوحش حاجة في الدنيا لمجرد أن تطلع تريند أو تعمل مشاهدات تأثر على حد أو تتكلم على حد بشكل مش مظبوط أو تقول خبر مش مظبوط عشان مشاهداتك تبقى أعلى.
وتابعت مي: دي حياة وإحنا بني آدمين شفت كل اللي حصل من بعد إعلان الخطوبة حاجة مش حلوة وقعدنا نهزر على فيسبوك على موضوع السن وفي الآخر والأول الناس ملهاش دعوة بحاجة.
وأضافت: والحمد لله ربنا يوفقنا وأتمنى أني أكون عند حسن ظن الناس دايما في شغلي والناس تتعلم تفرق بين شغل الفنان وحياته لإني من الناس اللي مش بتحب تتكلم عن حياتها الشخصية.
وكان الفنان محمد العمروسي رد على شائعات فارق السن بينه وبين المطربة مي فاروق، وكتب عبر حسابه على فايسبوك: من المضحك أنك تلاقي أخبار عنك ومعلومات أنت شخصيا، أول مرة تسمعها في حياتك عن نفسك لا وكلها غلط من ضمنها موضوع فرق السن.. طب والله أنا الأكبر”.
