عرض الإعلامي شريف عامر، مشهد مشاركته في برنامج رامز جلال «رامز نيفر إند»، وهو المشهد الذي لن يعرض على الشاشة في شهر رمضان.
ويظهر الفيديو مشاركة الإعلامي شريف عامر في تجربة «مقلب الغسالة»، في برنامج «رامز نيفر إند».
وعلق على وقوعه ضحية بالبرنامج، قائلا: «أنا مكنتش ضحية أنا كنت التجربة».
وقال شريف عامر، خلال تقديمه برنامج «يحدث في مصر»، المُذاع عبر فضائية «إم بي سي مصر»،: «أنا كنت التجربة والضحية اللي بيجربوا عليها قبل ما يستضيفوا ضحايا جديدة»، مضيفا: «رامز كان رافض يقوللي أي شيء».
وأضاف: «محدش رضي يقوللي أي حاجة ولا حد غششني حاجة»، لافتا: «فيه حد من الزملا قاللي الأفضل أنك تقلع النضارة يا شريف»، لافتا: «أنا فيصت جدا وتعبت لكن على الأقل أنا عافرت وقولت هعمل زي ما رامز يعمل، وأخدت خبطتين صح».
وأشار «شريف»: «مكنتش أعرف إن الغسالة دورتين، وخدت خبطتين صح»، موضحا: «اللي أنا معجب بيه جدا في الضحايا إنهم بيقدروا يكملوا بعد المقلب ويتخانقوا مع رامز، لأن رامز وهو بيكلمني مكنتش حاسس بحاجة، كنت عمال أكشف ع نفسي واتأكد أن ضهري سليم».
واختتم: «أنا اللي قولت لهم خلوا مخدات على الحيطة، الضحايا المفروض يدعولي، لأن الحيطان مكنش عليها حاجة.. أنا اللي قولتلهم لازم نحط مخدات».
