رد مطرب المهرجانات حمو بيكا على منتقدي عقيقة ابنته “تاج” الذي أقامه خلال الأيام الماضية.
وقال حمو بيكا، في بث مباشر نشره عبر حسابه على Faceboo : “اتقال إن السبوع اتصرف عليه ملايين وعربية بـ 10 مليون دولار، إزاي دي العربية كانت مخلعة والكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا”.
صدمة كبيرة.. لن تصدق ماذا حدث لـ حمو بيكا بعد سبوع ابنته؟
وتابع: “في إيه يا جماعة من وقت السبوع لحد دلوقتي كنت في مشاكل شخصية من الحسد، وده مذكور في القرآن، والحمد لله عديت وبنتي الأميرة تاج في حضني وربنا يخليها ليا ولما ربنا يديني هعملها أكتر من كده، علشان أنت بذات نفسك بتشتغل علشان عيالك وتتمنى تجيب لعيالك نجمة من السما”.
وأكمل “سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ”.
واختتم : “وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكموتوا عليا أني دمي خفيف”.
وفي وقت سابق، حرص مؤدي المهرجانات حمو بيكا على مشاركة جمهوره فيديو من كواليس ولادة ابنته الأولى تاج، حيث ظهر فى الفيديو مع زوجته شمس وهما يستعدان لاستقبال أول مولود لهما.
وعلق حمو على الفيديو قائلا: اللهم لك الحمد، فرحة العمر كله أن ربنا سبحانه وتعالى يرزقك بحته منك ومن حبيبه عمرك.. والحمد لله ربنا رزقتي بأهم حاجه في حياتي “تاج”.. ربنا يخليكوا ليا يا رب واقدر اسعدك واساعدك في حياتك يا بنتي.
وظهرت زوجته بكمية كبيرة من المشغولات الذهبية التي كانت لافتة للأنظار، بالإضافة إلى احتفالهما في إحدى قاعات حفلات الزفاف بحضور العديد من الأهل والأصدقاء.
اقرأ ايضا:
