المطربة آمال ماهر اسم كبير في الوسط الغنائي حياتها الخاصة مليئة أسرار.. عاشت معاناة كبيرة من أول زوا ليها بس ربنا عوّضها خير في ابنها الوحيد عُمر.. حملها يوم تخرجه لكي يقول إنها السبب في تعليمه صح وهو نوع من رد الجميل الذي يعتبر أمر قليل جدًا.
لكن آمال ماهر عشان توصل ابنها لبر الأمان في تعليمه كده تعبت كتير.. من أول يوم ولدته وهي بتعاني مع أبوه اللي بقى طليقها دلوقتي.
تخيلوا أخت المطربة السورية أصالة خربت عليها حياتها لكن قاومت وكملت ورفضت تكون زوجة تانية.. أهلها موقفوش جنبها وجوزها طلعت عينه زايغة على الستات ده لف كعب داير على نجمات في الوسط الفني وكل ده كان بيثبت لآمال إن أبوها هو اللي كان صح؟.. يلا بينا نفتح صندوق أسرارها مليان تفاصيل ححكيلكم عليها في التقرير اللي معايا.
آمال ماهر كانت أسعد واحدة في حياتها وهي بتشوف تعبها على ابنها جاب نتيجة أصل مفيش أحسن من لحظة إنك تشوف سعيك وتعبك على حاجة نتيجتها حلوة وبتتحقق قدامك.
كمان ابنها تعب على نفسه وكان بيقّدر مجهود أمه معاه في الوقت اللي باباه فيه مش موجود ولا يعرف عنه حاجة وكان حقه في اللحظة دي يشيل أمه ويتصور بيها ومعاها وأبوه غايب عن لحظة حلوة زي دي كل أبْ بيتمناها.
طبعًا كل حكاية وليها تفاصيلها وكواليسها بس باختصار كده المشهد مبهر كله فخر وحق آمال ماهر تقول إن ده أسعد يوم في حياتها وإنها فخورة بابنها.
معاناة آمال ماهر
طبعًا الناس شافت الصورة اللي من بره وبس تعرفوا إيه اللي وراها؟.. طيب وصلت لكده إزاي؟.. شوفوا آمال ماهر من يوم ما اتجوزت أبو ابنها اللي هو الملحن محمد ضياء الدين وهي مش مبسوطة.. في الأول الحياة كانت ماشية حلوة بيقولوا البدايات دايمًا جميلة بس النهايات مكانتش أخلاق خالص.
جوز آمال ماهر ارتبط بيها واتجوزوا سنة 2005 وقتها كانت لسه في بداية حياتها يعني لا خبرة ولا يحزنون وأهو صوت قوي طالع ينّور الدنيا أهو وبكرة تبقى نجمة.. ده اللي حصل فعلًا سنة في التانية آمال اكتشفت شخص تاني خالص معاها الحياة مبقتش زي الأول وكمان محمد ضياء الدين اللي من أصول سورية عينه زايغة قام ارتبط بأخت الفنانة السورية أصالة ووقتها آمال كانت هتبقى زوجة تانية عشان اتعرف على أخت أصالة وهو متجوزها.. طبعًا آمال مكانتش عاوزة الحياة دي وطلبت الطلاق وجوزها رفض.
في فترة الخلافات آمال ماهر كانت خلفت ابنها الوحيد عمر.. والوسايط بدأت عشان يرجعوا لبعض أو يطلق ودي بس محمد ضياء الدين رفض.. كل ده وآمال ماهر لوحدها لا أب واقف جنيها ولا أخ ولا غيره أصلها اتجوزته من غير موافقتهم.. وقتها أبوها قال إن نظرته لجوزها كانت صح واتهم طليقها إنه لهف من بنته آمال مليون جنيه عشان كان مسيطر عليها وعلى الحفلات اللي بتعملها.. بس آمال ماهر كانت لسه صغيرة بقى والخبرة قليلة.. وطليق آمال اتهم أبو آمال إنه هو السبب في انفصاله عن بنته.
بتاع ستات
جوز آمال ماهر أصلًا كانت عينه زايغة على الستات وعلطول بيرتبط بواحدة ويخلع ويخش على اللي بعدها هو كان متجوز المطربة المغربية جنّات وكمان اتجوز الفنانة منة فضالي في السرْ بس انفصلوا وقالت وقتها إنها اتضربت واتهانت جامد منه وعشان كده مكملتش معاه.. ده غير آمال ماهر وأخت أصالة.
الأقرب لقلبها
آمال ماهر عاشت لابنها عمر وقالت إنه أقرب حد لقلبها وعقلها اهتمت بيه وبتعليمه وتربيته صح.. راحت معاه النادي يتدرب ويبقى رياضي.. جابتله كل اللي بيتمناه عوّضته عن عدم وجود الأب في حياته وبتقضي معاه معظم أوقاتها وبتشاركه المذاكرة ودروسه وقالت عنه إنه عوّها كل الحنان والأمان اللي افتقدتهم.. وعشان كده الابن طالع شايل جميلها فوق راسه وشالها هي كمان بين إيديه واتصور معاها.
