اختفاء مفاجئ للفنانة الكبيرة شيرين عبد الوهاب، وكلام كثير ان حسام حبيب هو السبب في ذلك، بعد كل المرات التى انفصلوا ورجعوا لبعض فيها، فيه كلام الآن أن الاتنين فيه مشاكل كبيرة بينهم وهذا سبب أنها اختفت ولا أح يعرف أين هي حتى مدير أعمالها.
خلال الساعات الدنيا كانت مقلوبه في الوسط الفني كله، بعد ملاحظة الجميع إختفاء الفنانة الكبيرة شيرين عبد الوهاب من الساحة، لا حد عارف هي فين ولا بتعمل إيه، ده حتى مدير اعمالها لما الصحفيين سألوه رد عليهم وقال والله انا مش عارف هي فين من بعد مارجعت من حفلة بيروت الأخيرة.
طيب إيه علاقة ده بحسام حبيب وازاى هوا ممكن يكون السر في اختفائها ؟
لما حصل اللى حصل وشاف كل أصحاب وحبايب شيرين عبد الوهاب اختفائها المفاجئ، حتى مدير أعمالها نبيل أدوار لما اتسالت عنها وقالك ماعرفش هي فين، ولا أعرف حتى مصير الحفلات اللى جايه ليها إيه في مصر، الكل راح يسأل ويشوف حسام حبيب اللى المفروض هو أقرب واحد لها على الأرض دلوقتى، بصفته زوجها يعنى، أو خلونا مامكنش واثقين من كلمه زوجها دى دلوقتى، لأن الظاهر كده والله أعلم هي مختفيه أصلا بسببه، وشكلهم انفصلوا للمرة الألف، ما هما كل شويه يزعلوا مع بعض والدنيا تطلع تسمع بيهم وبعده بشويه يتصالحوا تانى والدنيا تبقى فل الفل خالص.
المهم دلوقتى خلونا في اللى حصل من حسام حبيب وقلق الدنيا أكتر على شيرين عبد الوهاب اللى ماحدش يعرف دلوقتى هى فين ولا بتعمل إيه، أدعوا في التعليقات أنها تكون بخير، دى فنانة كبيرة وغير كده، فا هى معاها بنات صغيره محتاجينها جنبهم.
من شويه فوجئ متابعو الفنان حسام حبيب على بخلو حسابه انستجرام من الصور اللى كانت تجمعه بزوجته الفنانة الكبيرة شيرين عبدالوهاب، يعنى مره واحده وبدون أي مقدمات فوجئ الناس أن مافيش ولا صورة بتجمع بين حسام حبيب وشيرين عبد الوهاب على الحساب بتاعه، ولو انتم متابعين فا حسام حبيب كان ليه وشيرين عبد الوهاب صور كتير مع بعض، دلوقتى مافيش ولا صوره منهم على حسابه، وعلشان كده فسر الناس الموضوع، أنه ممكن يكون أنفصال جديد بين الأتنين.
خصوصا أن شيرين عبد الوهاب وحسام حبيب خلاص أخدوا شهرة في الوسط الفني وبين جماهيرهم ومحبيهم أنهم مش مستقرين نهائي، لازم كل فتره ينفصلوا عن بعض ويفرجوا عليهم الدنيا كلها مشاكل وخناقات وأوقات كانت بتصل الأمور للشرطة، وبعد ما الوطن العربى كله يسمع بهم تطلع شيرين عبد الوهاب في الأخر تبوس وتحب في حسام حبيب وتقول أنه الراجل اللى مافيش زية، أنتم رأيكم ايه حسام حبيب الراجل فعلا اللى مافيش زيه، طيب حد فيكم يتوقع أنهم يكونوا بالفعل انفصلوا تانى ولا ايه الحكايه، اكتبوا في التعليقات.
