فجر فطين سعيد مفاجآت عن طليقته الفنانة بوسي، حيث شن هجومًا شرسًا عليها خلال لقائه في برنامج «أراب وود»، متهمًا إياها بالخيانة وأنها حاولت تلفيق اتهامات إليه بحيازة سلاح.
حيث قال فطين سعيد خلال تصريحاته في البرنامج: «كنت أعرفها بالطقم اللي عليها، أخدت منى فلوس، أخدت منى عربيات، أخدت منى فيلل، كل دا علشان إيه، اللي فيها بتجيبه فيا، اشتغلت معايا أكتر من 10 سنين، أنتجت لها كل أغانيها، أكتر من 40 أغنية غنتها، لحد أغنية معايا».
اقرأ أيضًا
بعد سنوات من الاختفاء.. لن تصدق كيف تغير شكل وفاء سالم
محمد رمضان يصدم الجمهور بأحدث ممتلكاته.. وسعرها يثير غضب الجمهور
وأضاف سعيد، في تصريحاته «أول الاختلافات بيني وبين بوسي كان فيلم عمرو وسلوى، دا فيلم قصة حب المفترض إنه بينها وبين كريم محمود عبد العزيز، فطبعا كريم كان بيشوف شغله اللي هو بيحاول يقرب وميخليهاش تتكسف من الكاميرا، هي بقي بدأت تتوهم حاجات تانية، أن في قصة حب بينهم، وبدأت تتغير معايا».
وتابع طليق المطربة بوسي قائلاً «هي مطلعاني خاين، لاء أنا مش خاين، يمكن اللي عندها هي بتطلعه فيا، بدليل أن هي أول حاجة فكرت فيها أنها تتخلص منى، وحطت لي سلاح ومخدرات وذخيرة تحت السرير، انفصلنا عن بعض لمدة سنة، ورجعنا لبعض بعد ياسين، أدوني مليون ونص من الاتفاق اللي هو 5 مليون وضحكوا عليا، أنا اللي بينى وبينها القضاء، أنا حياتي اتدمرت، أنا مش عايز أحبسها ولا أدمرها أنا عايز حقي بس».
