ندى الكامل عايز تريد العودة إلى أحمد الفيشاوي.. هذا هو الكلام الذي ينتشر على السوشيال ميديا الفترة الماضية بعد انتشار أخبار عن أن فيه خناقة كبيرة بينهم عندما عرضت عليه ترجع وهو رفض.
ياتري ايه اللي حصل بين أحمد الفيشاوي وندى الكامل؟ وايه الحاجات اللي ندى الكامل بتتكلم عليها؟ وهل حقيقي أحمد الفيشاوي خايف يرجعلها ولا إيه؟.. كل ده وأكتر هتعرفوه معانا في التقرير التلاي
فاكرين الدلع اللي كان بيعمله أحمد الفيشاوي لندى الكامل وقت ما كانت مراته حتى قدام الناس والكاميرات لدرجة أنهم كانوا دايما بيكونوا تريند والناس بتتكلم عليهم.. الفترة اللي فاتت انتشرت أخبار أن ندى حنت للأيام دي ونفسها ترجع لأحمد الفيشاوي.
الكلام المنتشر أنها اتصلت بيه وكانت بتطمن عليه وبتحاول تجس النبض إذا كان في مساحة للرجوع ولا لاء.. لكن رد عليها كان مقتصر وحاول أنه ميكونش فيه أي مساحة كلام بينهم تخليها ممكن ترجع له.
الموضوع ده اللي ضايق أحمد الفيشاوي واللي حست منه أنه رافض يرجع لها وأنها بعد ما ارتبطت بعمر كمال جاية عايزة ترجع له وبالتالي كانت صدمة ليها.
ندي الكامل اللي دخلت في حالة غضب وقررت أنها تنتقم منه وهي بتقول لنفسها: أنا هعرفك مين ندي الكامل وهعرفك أزاي ترفضني انا واخليك تعرف قيمتي.
طلعت ندي في لايف على حسابها الرسمي على انستجرام وخدت أحمد الفيشاوي في هجوم كبير، وقعدت تلقح بالكلام عليه وتقول: عاملي فيها شيخ، الله يرحم أيام الكباريهات والديسكوهات والشرب.. والناس يا حرام فاكرين انك فعلاً توبت وبيدعولك ، ده يموت الزمار وصوابعه بتلعب”.
ندى كملت وقالت: “أنا مش هسيحلك أكتر من كده، بس اوعي تعملهم عليا انا ، ده انا عارفه كل اللي عندك وسديهاتك معايا يا احمد”.
الغريبة أن الجمهور هاجم ندى الكامل، وقال إنها من ساعة ما فركشت مع عمر كمال وهي مش لاقيه حاجة تعملها وبتدور على اي حكاية تطلع بيها ترند وتلفت الأنظار ليها وتاخد اللقطة شوية تنشر صور ليها جريئة تخلي المتابعين يهاجموها، وشوية تطلع ترد على المتابعين بطريقة مش كويسة وتخليهم يتفاعلوا معاها ومع كلامها عشان الشو عليها يكبر.
ودلوقتي معندهاش مواضيع تتكلم فيها، إنما لقت الفيشاوي مادة خام تقدر تجيب بيها تفاعل كبير من المتابعين ، المهم انها تخطف الأنظار والناس تحكي وتتحاكي عليها، لدرجة ان كل متابعينها بقوا ينتقدوها وينتقدوا تصرفاتها و ردودها.
لحد ما جالها تعليق من واحدة من المتابعين وقالتلها “مش بتحسي انك مبينه جسمك بزيادة ، مش خايفة من الحساب”.
التعليق ده خلي ندي هتطق من الغيظ وردت على البنت بكل غضب وقالتلها: “يعني ايه مش بخاف من الحساب ما طبيعي كلنا خايفين من الحساب وكلنا عندنا نفس لوامه او معظمنا واظن ان ده احسن بكتير من النفس الامارة بالسوء ركزي في نفسك عشان ترتاحي وانا لوحدي جيت ولوحدي عيشت ولوحدي هتحاسب ووقتها انا اللي هكون ملزمه أرد على السؤال ده وقتها لكن مش ملزمة ارد عليه دلوقتي”.
شاركونا رأيكم في التعليقات.. هل حقيقي ممكن أحمد الفيشاوي يرجع لندى الكامل من جديد؟ وهل فعلا هو التزم وتاب بعد العمرة ولا فترة وهيرجع تاني؟
